Amos 5:5 - Hawaii Pidgin Bible

⁵ No go by da Bethel peopo fo get help, No go Gilgal side. No go da odda side a da country, Beer-Sheba side. You no foget, Gilgal was da firs place Yoa peopo wen come inside dis land, But now, Gilgal garans goin be da place Wea odda peopo goin drag you outa dis land! Da Bethel peopo goin come notting.”

Amos 5:5 ပူးပေါင်းရင်းမြစ်များ

Start 21:31

So da two guys make one strong kine promise to each odda. Dass how come dey call dat place Beer-Sheba, dat mean “Da Seven Sheep Puka,” an same time, “Da Puka Wit Da Promise.”

Start 21:33

Abraham, he go plant one ironwood tree ova dea Beer-Sheba side. Dat place, he tell Da One In Charge, “Eh! You, da God Dat Stay Foeva! I like you help me, cuz I know wat kine god you!”

Start 26:23

Laytas, Isaac move one mo time, up country Beer-Sheba side.

Start 26:33

Isaac give da puka da name Shivah, dat mean “strong promise.” Dass how come dat place get da name Beer-Sheba, dat mean “Da Puka Wea Dey Make Promise.” Dass how dey call um still yet.

1 Kings 12:28

So King Jeroboam aks his helpa guys wat fo do. Den he tell his worka guys, “Make two idol kine gods outa gold, da kine dat look jalike bebe cows.” Den he tell da peopo, “Eh, az too hard fo you guys go all da way Jerusalem side fo make sacrifice! Look now! Right hea, da gods fo you Israel peopo! Dis, da ones wen bring you guys hea from da Egypt land!”

1 Kings 12:29

Jeroboam put up one a da idol kine gods Bethel side nea da borda wit Judah, an da odda one in da north, Dan ohana side.

2 Kings 23:8

Den Josiah bring all da pries guys dat work fo Da One In Charge from da Judah towns. Dey make all da sacrifice places on top da hills from Geba to Beer-Sheba so nobody can use um. Dass wea dose odda fake pries guys wen go fo burn incense befo time, but Josiah dem make um fo nobody use um no moa. He broke down da sacrifice places fo da idol kine gods, dat stay by da gate fo go inside da palace wea Joshua live. (He da Jerusalem mayor guy. His palace stay da lef side wen you go inside da town gate.)

Job 8:22

Da peopo dat hate you goin come shame. Da tents wea da bad kine guys live, no mo awready.”

Songs 33:10

Wen da diffren nations make plan, Da One In Charge jam up dea plan. Wen da diffren peopos figga wat fo do, He no let um do um.

Isaiah 29:20

Da mean kine guys goin disappea. Da stupid head kine peopo wit attitude goin go too. Erybody dat make plan Fo do bad kine stuff, God goin wipe dem out.

Isaiah 8:10

You goin talk an make plan, But dat no goin happen, cuz you no can do um. You talk bout wat fo do, But no goin happen lidat, Cuz God stay wit us. Dass wat ‘Immanuel’ mean!”

Jeremiah 48:13

Den da Moab peopo goin come shame Cuz dea idol god Kemosh no help dem, Jalike da Israel ohana wen come shame Da time dea gold calf statue get smash Bethel side.

Hosea 10:8

Da sacrifice places on top da hills nea Bet-Aven— Dat mean “house wea peopo do wass wrong”— Dey goin come wipe out. Az wea da Israel peopo stay do da real bad kine stuff. Thorns an da kine weed dat make yoa skin itchy Goin grow ova dea an cova dea altars. Den da peopo goin tell da mountains, “Proteck us!” An tell da hills, “Fall down on top us!”

Hosea 12:11

You guys tink da Gilead peopo do real bad kine stuff? Eh, da peopo ova dea, dey no worth notting! Da Gilgal peopo wase time wen dey kill bulls fo make sacrifice. Dea altars look jalike stones dey pile up All aroun one field dey wen plow.

Hosea 4:15

“No matta you Israel peopo fool aroun lidat, I no like fo da Judah peopo make lidat an get da blame. No go Gilgal fo pray to dea fake gods! No go Bet-Aven fo pray to dea fake gods! An no make one promise an tell, ‘Fo shua Da One In Charge stay alive, An he goin punish me if I no do um!’

Hosea 9:15

Da One In Charge tell, “Cuz a all da bad kine stuff my peopo wen do Gilgal side, Ova dea I wen start fo hate dem. Cuz a da bad kine tings dey stay do, I goin kick dem outa my land. I no goin love dem no moa. All dea leadas stay go agains me.

Amos 1:5

I goin broke down da gate fo Damascus town An wipe out da main guy fo Aven Valley, Da guy dat stay in charge Bet-Eden side. Da Aram peopo, I goin catch dem An take all dem Kir side.” Dass wat Da One In Charge tell!

Amos 3:14

“Dat time wen I goin punish da Israel peopo Fo da bad tings dey wen do, Same time, I goin bus up all da altars Bethel side! I goin wack da horns dat stick out from da altar, Dey goin broke an fall down on top da groun.

Amos 4:4

Amos tell: Dis wat da Boss tell: “Eh! you Israel peopo! Go Bethel side fo do bad kine stuff agains me! Go Gilgal side fo go agains me still yet, An do mo plenny bad kine stuff still yet! So den, wen you go ova dea, nex day morning time, Take da animal fo da sacrifice to da pries guy. Da day afta dat, take da ten percent you suppose to give God.

Amos 7:10

One time, had one a da Main Pries guys dat live Bethel side, Amaziah. He wen sen somebody by Jeroboam Numba Two, da king fo da Israel peopo, fo tell um dis: “Amos, he live right hea wit us Israel peopo, but he stay make one plan fo throw you out. Eh! Da tings dis guy stay tell, no good fo da peopo inside oua land hear um!

Amos 7:13

But no stay talk mo fo God ova hea, Bethel side, cuz dis da spesho place wea King Jeroboam come fo pray, an get oua National Temple ova hea.”

Amos 7:17

But cuz you stay talk lidat, dis wat Da One In Charge tell: “Yoa wife, she goin come one hoa Right hea inside yoa home town. Da ones dat stay agains you Goin kill yoa boys an yoa girls wit swords. Yoa land, odda peopo goin measure um fo broke um up an sell um. An you, you goin mahke inside anodda land dat stay pilau, Cuz you Israel peopo goin come prisonas Far away from yoa land.”

Amos 7:9

Da One In Charge tell dis too: “Da places on top da hills Wea da ohana dat come from Isaac go fo pray, I goin broke um down. Da places da Israel peopo build fo be spesho fo me, Goin come one rock pile. Da peopo from da King Jeroboam ohana, I goin sen army guys fo go afta dem wit swords!”

Amos 8:14

Da ones dat make one strong promise, an make um by da name a da pilau idol kine gods dat da Samaria an Dan an Beer-Sheba peopo pray to, dey goin come wipe out an stay lidat foeva. Dey goin tell: “I shua dat I goin do um, Jalike I shua dat da idol kine god dat da Dan ohana peopo pray to, stay alive! O jalike I shua dat da idol kine god we go pray to Beer-Sheba side, stay alive! “But all dose peopo dat make dat kine promise, dey goin fall down an mahke. Dey no goin get up, eva!” Dass wat Da One In Charge tell.

1 Corint 1:28

He pick da peopo dat no mo big name hea inside dis world, an da kine odda peopo make fun of, an dose dat no mean notting to nobody. God goin use dem fo make da peopo dat tink dey it, come jalike notting.

1 Corint 2:6

Fo shua, wen us guys talk to da peopo dat stay solid inside, we teach um wat fo do erytime. But we no teach da same kine stuff da peopo inside da world stay teach nowdays bout wat fo do erytime, o da smart kine stuff da leada guys tink dass smart. (Dem leada guys, dey all goin come wipe out, you know.)

Rules Secon Time 28:41

You guys goin get boys an girls, but you no goin keep dem fo stay wit you guys cuz odda peopo goin make dem prisonas an take dem away.

Joshua 5:9

Den Da One In Charge tell Joshua, “Today, I take away da shame you guys wen get cuz you was slaves Egypt side.” Az why erybody still yet call dat place Gilgal.

Jesus Show 18:17

In one hour, all da kine rich stuffs wen come wipe out!” Da captains from all da boats, da sailas, erybody dat ride boat, erybody dat work aroun da ocean, dey all goin stay far.

1 Samuel 11:14

Den Samuel tell da peopo, “Go come. We go Gilgal, an ova dea we goin tell one mo time dat Saul goin be da king!”

1 Samuel 7:16

Ery year he go aroun from Bethel, to Gilgal, to Mizpah. He stay judge da Israel peopo inside all dose places.

1 Samuel 8:2

His numba one boy name Joel. Da numba two boy name Abijah. Dem, da local leada guys Beer-Sheba side.