Amos 5:4 - Hawaii Pidgin Bible

⁴ Dis wat Da One In Charge tell da Israel ohana: “Eh! Go come back by me an be my guys, Fo me help you, aah? Den you guys goin stay alive an no mahke.

Amos 5:4 ပူးပေါင်းရင်းမြစ်များ

2 Kings 20:3

“Da One In Charge! Try no foget, dat all da stuff I do, I no hide um from you. I try erytime fo be da kine guy you can trus, an do eryting I promise fo do. I wen try fo make shua I do ony da kine stuff dat you tell az good.” Den Hezekiah cry real hard.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

2 Records 15:2

Azariah go out fo meet Asa wen Asa come back from fight da Sudan guys. Azariah tell, “King Asa an all you Judah an Benjamin peopo, lissen me! Da One In Charge stay tight wit you guys all da time you stay tight wit him. If you like know him, he goin let you guys come fo know him. But if you bag from him, he goin bag from you guys.

2 Records 20:3

Jehoshafat come sked. He make up his mind fo go in front Da One In Charge an aks him wat goin happen. An he tell all da Judah peopo fo skip food wen dey pray.

2 Records 20:4

Da Judah peopo come togedda fo tell Da One In Charge fo help dem. Dey come from ery town inside Judah fo tell Da One In Charge dey need help.

2 Records 34:3

Wen he stay king eight year, an he still young, he start fo try stay tight wit da God dat his ancesta David wen pray to. Wen he stay king twelve year, he start fo throw out from Judah an Jerusalem da sacrifice places on top da hills, da tiki poses fo da wahine god Asherah, an da idol kine gods dey carve an da gods dey make wit da metal dey melt.

Songs 14:2

Da One In Charge, he look down from da sky An see all da peopo. Da One In Charge look aroun fo see if get even one guy Dat undastan stuff fo real kine An like know God fo real kine.

Songs 22:26

Da peopo dat odda peopo put down, Dey goin eat plenny, all dey like fo eat! All da peopo dat like know Da One In Charge, Dey goin talk good bout him. I like fo dem guys get life an stay good inside, foeva!

Songs 27:8

Fo real kine, I like come close to you. Eh! You Da One In Charge! Dass wat I like fo do, Go in front you.

Songs 69:32

Da peopo dat stay suffa, Goin see wat stay happening, An dey goin stay good inside Cuz a dat! All you peopo dat like find God, You goin get one good life cuz a dat!

Songs 69:33

Cuz Da One In Charge, Him da kine God stay lissen To da peopo dat no mo notting. Even wen his peopo stay prisonas, He no make to dem jalike dey junk.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

Jeremiah 38:20

Jeremiah tell him, “Dey no goin turn you ova to da Judah guys. Lissen to Da One In Charge, an do wat I tell you fo do. Den eryting goin go good fo you, an you goin stay alive.

Ezekiel 18:9

He stick wit wat me Da One In Charge tell. He do wat my rules tell um fo do. Dat kine guy do wass right. He goin get da real kine life fo shua. Az wat me Da One In Charge, da Boss, tell.

Hosea 10:12

Do da right tings! Dass da kine seed you guys gotta plant fo ony you! An you stay tight wit me! Dass jalike da kine fruit you guys gotta pick! Broke up da hard dirt inside you dat you neva plow yet! Cuz stay time now fo come tight wit me, Da One In Charge, Till I come teach you guys how fo do wass right, Jalike da rain make da groun come sof fo good stuff grow.

Amos 5:6

Amos tell: “Eh you guys! Go by Da One In Charge fo get help Fo you guys stay alive an no mahke. But if you no like, God goin wipe out da Joseph ohana real fas, jalike wit fire, An burn up Bethel town real fas, An nobody goin pio da fire.”

Zefaniah 2:3

All you peopo inside da land dat no mo big head, Dat do wateva Da One In Charge tell you fo do, Try know Da One In Charge mo betta! Try do da right kine stuff. Try no ack big head. Maybe he goin let you guys stay hide, Da time wen he goin show he stay real huhu.

Matthew 7:8

All da guys dat go aks, goin get. All da guys dat go look fo someting, goin find um. All da guys dat go knock on top da door, God goin open da door fo dem.

Rules Secon Time 32:46

den he tell dem, “Tink plenny bout all dis importan stuff dat I wen tell you guys today fo you guys tell yoa kids dey gotta lissen an do eryting dese rules tell.

Rules Secon Time 32:47

Dis, az not stuff dat no mean notting fo you. Dis, az yoa life! If you lissen dis stuff I tell you, you guys goin live long time inside da land da odda side a da Jordan Riva dat you goin take ova.”

Rules Secon Time 4:29

But wen you guys stay ova dea, if you fo real kine like go all out fo know yoa God, Da One In Charge, you goin find him.