Amos 5:1 - Hawaii Pidgin Bible

¹ Amos tell: “You peopo from da Israel ohana! Lissen wat I goin tell bout you guys! Dis one funeral kine song, you know. Me, Amos, I stay make um fo you guys. Dis da song:

Amos 5:1 ပူးပေါင်းရင်းမြစ်များ

Jeremiah 18:13

Az why Da One In Charge tell dis: “Aks all da peopos, You guys hear somebody talk lidis, o wat?! Da Israel peopo, I get love an aloha fo dem, jalike dey my wahine, But now, dey do one real real bad kine ting.

Jeremiah 7:29

“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Jeremiah 9:17

Dis anodda message from Da One In Charge, da God Ova All Da Armies: “Tink plenny bout dis! Tell da wahines dat know sad kine funeral songs fo come. Call da wahines dat know how fo cry da bestes.

Jeremiah 9:20

Now, you wahines, lissen up wat Da One In Charge tell! Open yoa ears fo hear! Teach yoa girls how fo cry. Teach each odda da funeral songs.

Jeremiah 9:9

You tink I no need punish dem fo all dis stuff?! I goin punish um! You tink I no need pay back dat kine nation fo dis?! I goin pay um back!” Az wat Da One In Charge tell.

Ezekiel 19:1

“Eh Ezekiel! Go sing one sad song fo da Israel prince guys.

Ezekiel 19:14

Da fire go from one a da main branches An burn up all da fruits. No mo strong branch on da plant Dat can use fo make da kine stick dat one king carry fo show he da king.’ ” Dis one sad song, an da peopo suppose to sing um wen dey stay sad.

Ezekiel 26:17

Den da princes goin sing one sad song bout you guys, an tell you Tyre peopo: “ ‘You guys stay all bus up, Erybody know bout yoa big town. Ocean peopo live dea! You get one real strong navy, You an da odda peopo dat live inside yoa town. All da peopo dat live nea da ocean, You make um come real sked.

Ezekiel 27:2

“Eh! You, Fo Real Kine Guy! Sing one sad song bout Tyre town.

Ezekiel 28:12

“Eh! Fo Real Kine Guy! Sing dis funeral kine song bout da Tyre king. Tell um: Dis da message from Da One In Charge, da Boss: “ ‘You was da one dat show erybody wat perfeck mean! You know wat fo do erytime, An you real good looking to da max.

Ezekiel 32:16

“Dis da funeral song dey goin sing fo Egypt. Da wahines from all da diffren nations goin sing um fo Egypt an all da tings da Egypt peopo like show off. Az wat me Da One In Charge, da Boss, tell.”

Ezekiel 32:2

“Eh! Fo Real Kine Guy! Sing one funeral kine song bout Pharaoh, da Egypt king. Tell him: “Mo den all da diffren peopos, You was jalike one lion! But now, you all bus up! You mo jalike one sea monsta from da ocean! You splash plenny watta in yoa Nile Riva channels. You step all aroun da riva an make um dirty. Az why da watta come muddy inside all da streams.

Amos 3:1

Eh! Lissen up, you Israel peopo! I stay talking fo God, cuz Da One In Charge stay tell dis to you guys, da whole ohana dat he wen bring hea from Egypt side.

Amos 4:1

Amos tell dis too: “Eh! You Samaria wahines! Lissen up! You guys jalike da fat cows from Bashan Dat eat grass on top da hills Samaria side! You wahines give hard time to da peopo dat no mo powa An you make any kine to da peopo dat no mo notting. You guys erytime tell yoa husban, ‘Bring mo booze!’

Amos 5:16

“Cuz a wat you guys wen do, dis wat my God, Da One In Charge, tell—he my Boss, da God Ova All Da Armies: “ ‘Inside ery town, goin hear peopo crying fo you guys. Ery open place, ery street, da peopo goin yell, “Bummahs! Bummahs!” Dey even goin tell da farm worka guys Fo go town fo go da funeral, an cry fo you guys cuz you mahke. Da peopo dat know how fo sing da funeral songs, Dey goin pay um fo yell plenny fo you guys afta you mahke.

Amos 8:14

Da ones dat make one strong promise, an make um by da name a da pilau idol kine gods dat da Samaria an Dan an Beer-Sheba peopo pray to, dey goin come wipe out an stay lidat foeva. Dey goin tell: “I shua dat I goin do um, Jalike I shua dat da idol kine god dat da Dan ohana peopo pray to, stay alive! O jalike I shua dat da idol kine god we go pray to Beer-Sheba side, stay alive! “But all dose peopo dat make dat kine promise, dey goin fall down an mahke. Dey no goin get up, eva!” Dass wat Da One In Charge tell.

Micah 2:4

Dat time, peopo goin sing one song bout you guys. Dey goin make fun a you guys. Dey goin ack jalike dey cry an make long face. Dey goin sing dis sad song: ‘Da One In Charge split up oua property! He take away da land from oua peopo! Now us no mo notting! He give oua fields to da guys dat wen make us prisonas!’ ”