Amos 4:6 - Hawaii Pidgin Bible

⁶ Dis wat Da One In Charge a me tell too: “Was me dat wen make da peopo inside ery town hungry to da max! So neva have bread no place. Still yet, you guys no like come back an be my guys.” Dass wat Da One In Charge tell.

Amos 4:6 ပူးပေါင်းရင်းမြစ်များ

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

1 Kings 18:2

Az why Elijah go back Israel side, fo Ahab see him an know dat he dea awready. Dat time, no mo food Samaria side, an hard fo da peopo dea.

2 Kings 4:38

Elisha go back Gilgal town. Dat time, no mo food ova dea. Had one time, da guys dat stay learn how fo talk fo God come togedda an sit in front him. Elisha tell his helpa guy, “Put da big pot on top da fire an cook some stew fo dese guys.”

2 Kings 8:1

Anodda time, Elisha talk wit da wahine dat he wen make her boy come back alive one mo time. He tell, “Take yoa husban an yoa boy, an go some odda place live, any place you can stay long time. Cuz Da One In Charge tell, no goin get food inside dis land fo seven year. An stay start awready.”

2 Records 28:22

Da time wen Ahaz get plenny trouble, even mo he ack so Da One In Charge no can trus um.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 3:1

Den Isaiah tell, “Look! Da Boss, Da One In Charge, Da God Ova All Da Armies, He goin take away all da stuff From da peopo inside Jerusalem an Judah, All da stuff dey need fo take kea dem, All da food fo eat an da watta fo drink.

Isaiah 9:12

Da Aram peopo from da east side, An da Filisha peopo from da west side, Dey go agains da Israel peopo An dey win ova um. An Da One In Charge stay huhu wit da Israel peopo still yet, An he stay ready fo bus um up.

Isaiah 9:13

Cuz da Israel peopo still yet no lissen An no come sorry fo da bad stuff dey do An no come back to da One dat stay bus um up, An still yet dey no like even find out Wat Da One In Charge, Da God Ova All Da Armies, tell dem fo do.

Jeremiah 14:18

If I go out da country side, I see da guys dat da army guys wen kill wit swords. If I go aroun inside Jerusalem town, I see all da peopo dat stay sick Cuz no mo food. Da guys dat talk fo God an da pries guys Stay go all ova da land fo do dea work, But dey donno wat dey stay do!’ ”

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Ezekiel 14:21

“Cuz dis wat me Da One In Charge, da Boss, tell: Fo shua, goin be mo worse fo da peopo inside Jerusalem wen I sen da four bad kine tings agains dem cuz I da Judge: war, no mo food, wild kine animals, an da real bad kine sick. Den da peopo an dea animals goin mahke.

Ezekiel 16:27

So I punish you Jerusalem peopo an take away part a yoa land. I give you to da peopo dat hate you, da Filisha peopo, fo do wateva dey like do to you cuz dey like get mo land. Dey all shock cuz you fool aroun plenny.

Hosea 11:5

“But my peopo tell ‘Laytas!’ fo come back to me Cuz dey like, dey goin go back Egypt side! Oddas goin let da Assyria king come dea leada! Az cuz dey no change dea mind.

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Joel 1:16

We can see dat da food stay cut off! Da peopo inside da Temple Fo Oua God no stay good inside.

Prieses 26:23

“But if still yet, you guys no lissen wen I punish you, an you stay piss off wit me,

Prieses 26:26

Wen I take away da food from you guys, ony goin need one oven fo ten wahines bake litto bit bread fo dea ohana, cuz goin get ony litto bit flour. Dey goin bring back da bread fo you guys an weigh um so erybody get same same. You guys goin eat, but you not goin get enuff.

Haggai 2:17

All da work you guys wen do, me Da One In Charge stay wack um awready. I make da plants dry up from da hot wind, o get mildew, o I let dem mahke from da hail. Still yet you guys neva come my side! Az wat I tell.’

Rules Secon Time 28:38

“You guys goin take plenny seeds fo plant inside yoa field, but you ony goin harves litto bit food cuz da locust kine grasshoppas goin eat um up.

Jesus Show 2:21

I wen give dat wahine plenny chance awready fo come sorry an no do da bad kine stuff she stay do, but she no like.

Ruth 1:1

Dis one story dat wen happen long time befo, da time wen ony da local leada guys was in charge a da Israel peopo. Had one guy Elimelek from Betlehem town inside da Judah ohana land. Da guy an his wife Naomi, dey get two boys, Mahlon an Kilion. Dey from da Efratah ohana. Dat time Judah side, long time no mo rain, so no mo notting fo eat. Az why Elimelek take his wife an dea two boys, an dey move house odda side a da Jordan riva an live up country wit da Moab peopo.