Amos 3:8 - Hawaii Pidgin Bible

⁸ Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Amos 3:8 ပူးပေါင်းရင်းမြစ်များ

Isaiah 21:10

God tell, “Bummahs! My Israel peopo, You pooa guys stay all bus up, Jalike wen dey smash da wheat on top da groun Fo take out da junk kine stuffs.” Dass wat I wen hear from Da One In Charge, Da God Ova All Da Armies, Da God fo da Israel peopo. He wen tell me all dat fo help you guys.

Isaiah 31:4

Dis da ting Da One In Charge tell me: “Jalike how da lion make noise Wen he catch one sheep, An jalike peopo call plenny sheep guys Fo come help dem catch da lion, But da lion, he no sked dem. He no kea dat dey stay yell, No bodda him dey make big noise. Same ting, wen Da One In Charge, Da God Ova All Da Armies, come, He goin come down an fight, An no sked, jalike da lion, On top da hill wea da Temple stay.

Jeremiah 20:9

But if I tell, “I no goin even tink bout Da One In Charge! I no goin talk fo him no moa!” Den, da tings he like me tell stay inside me, Jalike one fire stay burn inside me! Jalike my bones burning up inside. I stay tired from hold um inside. I no can hold um inside no moa.

Jeremiah 26:12

Den Jeremiah tell all da leada guys an da peopo, “Was Da One In Charge dat wen sen me hea fo talk fo him, an fo tell wat word you guys wen hear agains dis Temple an dis town.

Ezekiel 29:21

“Wen dat time come, I goin make da Israel ohana peopo come strong one mo time. An dey goin show respeck fo you, Ezekiel, an wat you tell. Den dey goin know dass me Da One In Charge do all dat.”

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Amos 2:12

“But you guys, you wen make da Nazir guys Broke dea rules an drink wine. You wen tell my talka guys, ‘No talk no mo fo God!’

Amos 3:4

You tink da lion goin make da big noise inside da trees If no mo notting dea fo him kill? Not even! Da young lion not goin growl inside his house If he neva find notting fo catch.

Jesus Guys 4:20

Cuz us guys, no way us can no talk bout da tings we wen see an hear.”

Jesus Guys 5:20

He tell, “Go stan in front all da peopo inside da open lanai fo da Temple, an tell um eryting bout dis new kine life.”

Jesus Guys 5:29

Peter an da odda Jesus guys tell, “We gotta do wat God tell us fo do, an no do wat peopo tell us fo do!

1 Corint 9:16

Jus cuz I stay tell peopo da Good Kine Stuff From God, dat no mean I can talk big bout me. I gotta tell um bout God. Real sad if I no tell peopo da Good Kine Stuff From God!

Jesus Show 5:5

But one older leada guy tell me, “Eh, brah! No need cry! Look! Christ, God Spesho Guy! Jalike da Bible tell from befo time, he jalike one Lion! He da King dat come from da Judah ohana! He da Main One dat come from King David. He wen win ova da bad kine stuff, so he get da right fo broke da seven wax kine seal, an open da paypa!”