Amos 2:7 - Hawaii Pidgin Bible

⁷ Da guy dat not strong, You Israel peopo push his face inside da dirt. Da guys dat get presha on top dem, You Israel peopo ack jalike dey no mo rights. Da faddah an his boy, dey go sleep wit da same girl. Cuz a all dat, peopo talk bad bout me, An I da One dass good an spesho, you know!

Amos 2:7 ပူးပေါင်းရင်းမြစ်များ

2 Samuel 12:14

But cuz you wen make lidat, you wen ack jalike you tink Da One In Charge no good! So da boy dat goin born goin mahke fo shua.”

1 Kings 21:4

Den Ahab go home. He look real mad, cuz Nabot da Jezreel guy tell um, “I not goin sell um to you! Dat land, stay wit my ohana from my ancesta time till now.” So Ahab go lay down on top his punee. His face look at da wall, an he no eat notting cuz he all piss off.

Smart Guys 28:21

No good, you no make same same fo erybody. But get guys dat goin broke da rules If you give um even one small piece bread.

Isaiah 10:1

Bummahs! fo da guys dat make all kine rules dass not right, An write all kine rules dat make humbug fo da peopo!

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Isaiah 3:14

Da One In Charge da One goin judge da older leadas An da odda ones dat stay lead his peopo. He tell dem, “You, jalike da guys Dat wen bus up my grape fields. All da stuff you guys wen rip off From da peopo dat no mo notting, All dat stuff you guys take um Inside yoa houses.

Isaiah 3:15

Wat you guys tink Wen you go smash my peopo, aah?! Da peopo dat no mo notting, How come you go rub dea face inside da dirt, aah?!” Da One In Charge, Da God Ova All Da Armies, Dass wat he tell.

Ezekiel 22:11

Inside yoa town get guys dat do pilau kine stuff an fool aroun wit da wife a some odda guy. Get odda guys dat no shame fo poke dea daughtah-in-law. An get odda guys dat no mo shame fo rape dea sistah, dea faddah girl.

Ezekiel 36:20

All da nations wea I wen scatta dem, dey give me one bad rep, no matta I good an spesho. Cuz da odda nations talk bout dem lidis: ‘Dese Israel guys, dey da peopo a Da One In Charge, you know. But still yet, dey gotta bag from his land! Wassup wit dat?!’

Hosea 4:14

I no goin punish yoa girls Wen dey fool aroun fo money, O yoa daughtah-in-laws Wen dey fool aroun behind dea husban back. Cuz dea guys do da same ting, Dey fool aroun da hoaz too, An make sacrifice wit da hoaz Dat fool aroun inside da temple Fo da idol kine gods. Da peopo no undastan. Az why dey goin come all wipe out!

Prieses 18:15

“No make sex wit yoa daughtah-in-law. She yoa boy wife. No make sex wit her.

Prieses 18:21

“No give any a yoa kids fo make um go thru da fire fo make one sacrifice fo da idol kine god Molek, cuz you guys betta not make my name pilau. Me, Da One In Charge.

Prieses 18:8

“You betta not make sex wit yoa faddah odda wifes, cuz dat make shame fo yoa faddah too.

Prieses 20:3

I goin go agains dat guy, an cut him off from his peopo so he not one a my peopo no moa. Wen he give his kid fo make one sacrifice fo Molek, he make da place dat stay spesho fo me pilau, an he talk bad bout me an make pilau my good an spesho name too.

Amos 4:1

Amos tell dis too: “Eh! You Samaria wahines! Lissen up! You guys jalike da fat cows from Bashan Dat eat grass on top da hills Samaria side! You wahines give hard time to da peopo dat no mo powa An you make any kine to da peopo dat no mo notting. You guys erytime tell yoa husban, ‘Bring mo booze!’

Amos 5:11

Cuz da peopo dat no mo notting, You guys make um pay tax An take away some a da food dat dey harves an clean, Cuz a dat, no matta you guys build house Wit fancy kine cut stone block— You guys no goin live inside. No matta you guys plant one good looking kine grape farm— You guys no goin drink da wine from dose grapes.

Amos 5:12

Eh! I know how much stuff you guys do agains me. I know all da diffren ways you guys do bad kine stuff! You guys, you stay agains da peopo dat do da right ting. You guys like get money from unda da table, You guys like put presha on peopo Az why da ones dat need help from da judge, no goin get help!

Amos 8:4

Den Amos tell: “You rich guys, you betta lissen dis real good! You guys go all out fo put presha On da peopo dat no mo notting. An you try fo wipe out guys inside yoa land Dat stay sked fo stan up agains you.

Micah 2:2

Dey fo real kine like grab odda peopo fields fo ony dem, An steal dea houses. Dey put presha on peopo an scam um, Den dey take away dea house an dea property.”

Micah 2:9

You make da wahines from my peopo run away From dea nice houses. You make dea kids so dey no mo da right eva Fo get all da awesome stuff I like do fo dem.

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Rome 2:24

Jalike Isaiah wen tell befo time, “Da peopos dass not Jew guys talk stink bout God an give God one bad rep cuz a you guys.”

1 Corint 5:1

Fo real, some peopo tell dat one a you church guys stay fool aroun ova dea. Da guy stay do one mo worse ting den da peopo dat donno God. He even sleep wit his step muddah!