Amos 2:6 - Hawaii Pidgin Bible

⁶ You betta lissen! Dis wat Da One In Charge tell: “Ova an ova, you Israel peopo wen go agains me. Az why no way I goin let you guys go an no punish you guys! You Israel peopo tell, ‘Dis guy owe me money.’ Da judge tell, ‘Nah, he no owe notting.’ But no matta wat da judge tell, Still yet, you Israel peopo go sell da guy Fo silva money fo make um one slave. Da guy dat no mo notting, You Israel peopo sell um Jus cuz da guy owe you fo one pair new slippas.

Amos 2:6 ပူးပေါင်းရင်းမြစ်များ

2 Kings 18:11

Da Assyria king wen take out da Israel peopo an move um Assyria side, an make dem live inside Halah, inside Gozan on da Habor Riva, an inside da towns wea da Mede peopo live.

2 Kings 18:12

All dat happen cuz dey no lissen dea God, Da One In Charge. Dey broke da deal wit him, an no do eryting dat Moses, da guy dat wen work fo Da One In Charge, tell um dey gotta do. Dey no lissen wat Da One In Charge tell, an dey no do um.

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Isaiah 29:21

Da guys dat use words Fo make some odda guy do someting bad, Da guys dat trap one guy Dat stay talk to da judge, Da guys dat bulai bout one guy dat neva do notting bad, No matta wat dey tell no mean notting, Dey no goin stay.

Ezekiel 22:13

“Fo shua I like punch somebody out cuz I stay piss off, cuz a da dirty money you guys make, an da way you guys kill yoa peopo.

Joel 3:3

An dey wen pull straw fo take ova my peopo. Dey trade da boy kine slaves fo pay da hoaz. An dey sell da girls fo come slave girls, An use da money fo buy wine Fo dem drink um.

Joel 3:6

You guys wen sell da Judah an Jerusalem peopo to da Greek peopo, fo you guys sen da Israel peopo far from dea land.

Zekariah 11:5

Wen guys buy sheeps, you know, dey goin kill um, an dey no tink dey do someting bad. Da guys dat sell da sheeps tell, ‘Talk good bout Da One In Charge! Cuz now I stay rich!’ Even da guys dat take kea da sheeps, dey no show pity fo da sheeps.”