Amos 2:2 - Hawaii Pidgin Bible

² Dass why I goin dump fire on top da Moab land Fo burn up da palaces dat get strong wall, Keriot town. Da Moab peopo goin mahke, Goin get war an peopo yelling an trumpet noise.

Amos 2:2 ပူးပေါင်းရင်းမြစ်များ

Isaiah 9:5

Fo shua, all da boots da army guys wear wen dey fight, An all da clotheses dat get blood all ova um, Dey goin throw all dat kine stuff on top da fire Fo burn um up.

Jeremiah 48:24

Keriot an Bozrah. He punish all da Moab towns, nea an far.

Jeremiah 48:34

“Can hear da Heshbon peopo stay yelling fo help All da way to Elealeh town! Can even hear um Jahaz town! Peopo find out bout um south side too, From Zoar to Horonaim an Eglat-Shelishiyah, Cuz even da watta Nimrim side stay all dry up.

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Jeremiah 48:45

“Peopo run away to Heshbon town Cuz dey tink da Heshbon peopo can proteck um. But no can! Cuz get one big fire come outa Heshbon town, From da place wea Sihon was king befo time. Dat fire goin burn da Moab peopo head An burn da hair off dea guys dat like talk big.

Ezekiel 25:8

Dis wat me Da One In Charge, da Boss, tell: “Cuz da Moab peopo an da Seir peopo tell, ‘Look! Da Judah ohana peopo come jalike all da odda peopos awready!’ ”

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Amos 1:4

Dass why I goin sen army guys fo burn da palace Dat dea King Hazael wen build. Dis fire goin eat up eryting dea, An da Ben-Hadad Fort dat get strong wall too.