Amos 2:1 - Hawaii Pidgin Bible

¹ You betta lissen! Dis wat Da One In Charge tell: “Ova an ova, da Moab peopo wen go agains me. Az why, no way I goin let um go an no punish dem! Dey wen make any kine to da mahke king fo da Edom peopo, Cuz dey wen dig up his body an burn his bones Till ony get ash fo make mortar.

Amos 2:1 ပူးပေါင်းရင်းမြစ်များ

2 Kings 3:9

So da Israel king go out wit da Judah king an da Edom king. Dey march aroun da Big Salt Lake south, den east, den north. Afta dey stay march seven days, da army guys an da animals dey get wit dem, no mo watta fo drink.

Smart Guys 15:3

Da One In Charge, he see eryting. He see wat da bad kine peopo do, An da good kine peopo do.

Isaiah 11:14

Togedda dey goin rush da Filisha peopo on da west side, All da way to da sea, An steal stuff from peopo on da east side. Dey goin take ova da Edom peopo an da Moab peopo An da Ammon peopo gotta do wat dey tell um fo do.

Isaiah 16:6

We wen hear dat da Moab peopo get real big head. Dey plenny high nose. Dey go any place dey like. But all dea big kine talk, Az not true, an no mean notting!

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Jeremiah 25:21

da Edom, Moab, an Ammon peopos,

Amos 1:11

You betta lissen! Dis wat Da One In Charge tell: “Ova an ova, da Edom peopo wen go agains me. Az why, no way I goin let um go an no punish dem! Dey wen go hunt dea braddah guys, da Israel peopo, Wit swords fo kill dem. Dey neva like show pity fo da Israel peopo. Dey like stay huhu all da time An no mo cool head, eva.

Amos 1:13

You betta lissen! Dis wat Da One In Charge tell: “Ova an ova, da Ammon peopo wen go agains me. Az why, no way I goin let um go an no punish dem! Gilead side, dey even wen rip open da hapai wahines Jus fo dem take ova mo plenny land.

Amos 1:3

You betta lissen! Dis wat Da One In Charge tell: “Ova an ova, da Damascus peopo wen go agains me. Az why no way I goin let um go an no punish dem! Da buggahs wen trash da Gilead peopo, Jalike dey wen go drag one heavy board wit plenny spikes ova dea bodies.

Amos 1:6

You betta lissen! Dis wat Da One In Charge tell: “Ova an ova, da Gaza peopo wen go agains me. Az why, no way I goin let um go an no punish dem! Dey wen make one whole nation dea prisonas An sell um to da Edom peopo fo come dea slaves.

Amos 1:9

You betta lissen! Dis wat Da One In Charge tell: “Ova an ova, da Tyre peopo wen go agains me. Az why, no way I goin let um go an no punish dem! Dey wen sell one whole nation to da Edom peopo, Cuz dey neva like do da right ting fo dea braddah guys.

Amos 2:4

You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.

Amos 2:6

You betta lissen! Dis wat Da One In Charge tell: “Ova an ova, you Israel peopo wen go agains me. Az why no way I goin let you guys go an no punish you guys! You Israel peopo tell, ‘Dis guy owe me money.’ Da judge tell, ‘Nah, he no owe notting.’ But no matta wat da judge tell, Still yet, you Israel peopo go sell da guy Fo silva money fo make um one slave. Da guy dat no mo notting, You Israel peopo sell um Jus cuz da guy owe you fo one pair new slippas.

Micah 6:5

“My peopo, No foget wat Balak wen tell Da king fo da Moab peopo, Dat he wen like put kahuna On top you guys! No foget how Beor boy Balaam wen ansa him, Dat Da One In Charge ony goin do good stuff fo you guys! No foget how you guys wen go from Koa Town to Gilgal, Wen me Da One In Charge do awesome stuff Fo help you guys go da odda side a da Jordan Riva. Den you goin undastan dat me, Da One In Charge, Stay do wass right fo you guys erytime.”