Amos 1:9 - Hawaii Pidgin Bible

⁹ You betta lissen! Dis wat Da One In Charge tell: “Ova an ova, da Tyre peopo wen go agains me. Az why, no way I goin let um go an no punish dem! Dey wen sell one whole nation to da Edom peopo, Cuz dey neva like do da right ting fo dea braddah guys.

Amos 1:9 ပူးပေါင်းရင်းမြစ်များ

2 Samuel 5:11

Same time, Hiram, da king fo Tyre, sen messenja guys by David, an cedar wood, an carpinta guys, an guys dat know how fo build stone wall. Dey build one palace fo David.

Songs 83:7

Da Gebal peopo an da Ammon peopo An da Amalek peopo, Da peopo from Filisha, An da ones dat live Tyre town.

Jeremiah 25:22

all da king guys fo Tyre an Sidon, da king guys from da islans da odda side a da sea,

Jeremiah 47:4

Cuz dis da time awready Fo wipe out da Filisha guys. Fo wipe out all dea guys dat still stay alive, So dey no can help da Tyre peopo an da Sidon peopo. Da One In Charge stay ready fo wipe out da Filisha peopo, Da ones dat come from Crete Islan.

Ezekiel 27:1

Get one message fo me from Da One In Charge:

Ezekiel 27:27

Yoa stuffs dat cost plenny, da odda stuffs you like sell, Da guys dat know how fo use da ropes fo da sails, Da odda boat crew guys, Da ones dat fix da leaks, da trader guys, All da army guys dat go wit you, an all da ones on yoa boat— Dey all go down in da ocean Wen da storm hit da boat!

Ezekiel 28:1

Da One In Charge tell me:

Ezekiel 28:18

You do plenny tings dass not pono, An you scam peopo wen you trade stuff wit um. You even make da places dat stay spesho fo yoa gods come pilau! So I make one fire come outa you an burn you up. I make you come ashes on top da groun In front all da peopo dat stay look you.

Amos 1:11

You betta lissen! Dis wat Da One In Charge tell: “Ova an ova, da Edom peopo wen go agains me. Az why, no way I goin let um go an no punish dem! Dey wen go hunt dea braddah guys, da Israel peopo, Wit swords fo kill dem. Dey neva like show pity fo da Israel peopo. Dey like stay huhu all da time An no mo cool head, eva.

Amos 1:6

You betta lissen! Dis wat Da One In Charge tell: “Ova an ova, da Gaza peopo wen go agains me. Az why, no way I goin let um go an no punish dem! Dey wen make one whole nation dea prisonas An sell um to da Edom peopo fo come dea slaves.

Obadiah 1:11

Had one time, you guys jus stan far an look. Dat time, guys dat nobody know take away rich kine stuffs from da Jacob peopo. An guys from anodda place go inside Jerusalem An pull straw fo who goin take wat stuff from da big town. Dat time you guys do bad stuff, Jalike you one a dem guys from anodda place, Cuz you neva do notting fo help da Israel guys!

Zekariah 9:1

Dis message from Da One In Charge tell bout da Hadrak an Damascus peopo an dea land: Cuz all da peopos inside da world, Jalike all da Israel ohanas, stay look to Da One In Charge.

Matthew 11:21

He tell, “Wassamatta you guys?! You guys from Korazin town, an you guys from Betsaida town! I neva show my powa to da Tyre an Sidon guys da way I wen show um to you guys. Az why dem Tyre an Sidon guys neva come sorry fo da bad kine stuff dey wen do, an no even come shame fo all dat. If dey wen see my powa da way you guys wen see um, dey put on burmbag clotheses an throw ash on top dea head fo erybody know dey sorry real quick, but dey neva do dat. But you guys wen see my powa fo real kine, an you still yet no stay sorry!

Matthew 11:22

But I stay tell you guys now, bumbye goin be mo easy fo da Tyre an Sidon peopo wen dey gotta stan in front God da Judge, den fo you guys.

Luke 10:13

Jesus tell, “Bummahs, you guys from Korazin town! You goin get it, cuz you neva lissen! Bummahs you guys from Betsaida town! You goin get it too, cuz you neva lissen! Eh, I neva show da powa God get fo da Tyre an Sidon guys da way I wen show um fo you guys. Dass why dem Tyre an Sidon guys neva come sorry from long time an dey still stay do bad kine stuff. Dey neva show dey come shame fo all da bad kine stuff dey wen do, an no do um no moa. Dey neva see da powa God get da way you Korazin an Betsaida guys see um. Dass why da Tyre an Sidon peopo neva put on burmbag cloth an throw ash on top dea head, fo erybody know dey sorry. But you guys wen see da powa God get, an you still yet not sorry!

Luke 10:14

Bumbye goin be mo easy fo da peopo from Tyre an Sidon towns wen dey stan in front God da Judge, den fo you guys.