Amos 1:3 - Hawaii Pidgin Bible

³ You betta lissen! Dis wat Da One In Charge tell: “Ova an ova, da Damascus peopo wen go agains me. Az why no way I goin let um go an no punish dem! Da buggahs wen trash da Gilead peopo, Jalike dey wen go drag one heavy board wit plenny spikes ova dea bodies.

Amos 1:3 ပူးပေါင်းရင်းမြစ်များ

1 Kings 19:17

Hazael goin kill plenny peopo wit his sword, an da ones he no kill, Jehu goin kill um. An da ones Jehu no kill wit his sword, Elisha goin kill dem.

2 Kings 13:3

Az why Da One In Charge come real huhu wit da Israel peopo. Fo long time he give Hazael, da Aram king, an his boy Ben-Hadad powa ova dem.

2 Kings 13:7

Dat time, ony get litto bit army guys stay fo Jehoahaz. Ony get fifty horse an ridas, ten war wagon, an ten tousan army guys. Cuz da Aram king wen wipe out all da oddas, an make um come jalike da dirt dat fall down wen peopo hemo da junks from da wheat.

2 Kings 16:9

Da Assyria king tell Ahaz, “Shoots!” Den he go attack Damascus town an take um ova. He kill King Rezin an make all da peopo move house Kir side cuz dey his prisonas.

2 Kings 8:12

Hazael aks, “Boss, how come you stay cry?” Elisha tell, “Cuz I know fo shua, bumbye you goin do bad tings fo hurt da Israel peopo. You goin burn down dea big towns dat get strong wall, kill dea young guys wit swords, smash dea small kids on top da groun, an rip open da stomach a dea hapai wahines.”

Job 19:3

Ten times awready you guys talk bad fo make me come shame, But you guys no shame fo attack me.

Job 5:19

He goin get you outa trouble foeva. Even da worse time, notting bad goin happen to you.

Smart Guys 6:16

Get six kine tings dat Da One In Charge had it wit um. He come sick a dat kine tings.

Teacha 11:2

An peopo tell, “Share some stuff wit seven o eight peopo, Cuz you donno wat kine bad ting goin happen in dis world.”

Isaiah 28:27

Dass why, wen dey take out da junks, Dey no drag one heavy wood ova da black cummin, An dey no roll da wagon wheel ova da regula cummin. Dey hit da black cummin wit one stick ony, An same ting fo da regula kine cummin.

Isaiah 41:15

“An you know wat I goin do cuz a all dat? I goin make you Israel peopo come strong Fo bus up erybody dat stay agains you. You goin come jalike da kine wood frame Dat get two sides sharp, wit plenny teets. Da cows pull da wood frame On top da wheat dey wen harves, Fo bus up da wheat an take out da junks. Az Jalike you goin broke up da mountains An smash da hills. An afta dat, Ony goin be like da junk kine stuffs dat blow away.

Isaiah 7:16

But befo he come dat big, da land dat you worry bout wea da two kings stay goin come all bus up, an no mo notting goin stay dea.

Isaiah 7:8

Da main town inside Aram, dass Damascus. Da main guy inside Damascus, dass King Rezin. Befo 65 year pau, Da Israel peopo goin come real bus up, Dey no even goin be one peopo no moa.

Isaiah 8:4

Az cuz befo dis small boy learn how fo tell ‘Daddy’ o ‘Mama,’ da Assyria army guys goin steal all da rich kine stuffs inside Damascus town an Samaria town. Dey goin bring um to da king fo Assyria.”

Amos 1:11

You betta lissen! Dis wat Da One In Charge tell: “Ova an ova, da Edom peopo wen go agains me. Az why, no way I goin let um go an no punish dem! Dey wen go hunt dea braddah guys, da Israel peopo, Wit swords fo kill dem. Dey neva like show pity fo da Israel peopo. Dey like stay huhu all da time An no mo cool head, eva.

Amos 1:13

You betta lissen! Dis wat Da One In Charge tell: “Ova an ova, da Ammon peopo wen go agains me. Az why, no way I goin let um go an no punish dem! Gilead side, dey even wen rip open da hapai wahines Jus fo dem take ova mo plenny land.

Amos 1:6

You betta lissen! Dis wat Da One In Charge tell: “Ova an ova, da Gaza peopo wen go agains me. Az why, no way I goin let um go an no punish dem! Dey wen make one whole nation dea prisonas An sell um to da Edom peopo fo come dea slaves.

Amos 1:9

You betta lissen! Dis wat Da One In Charge tell: “Ova an ova, da Tyre peopo wen go agains me. Az why, no way I goin let um go an no punish dem! Dey wen sell one whole nation to da Edom peopo, Cuz dey neva like do da right ting fo dea braddah guys.

Amos 2:1

You betta lissen! Dis wat Da One In Charge tell: “Ova an ova, da Moab peopo wen go agains me. Az why, no way I goin let um go an no punish dem! Dey wen make any kine to da mahke king fo da Edom peopo, Cuz dey wen dig up his body an burn his bones Till ony get ash fo make mortar.

Amos 2:4

You Judah peopo betta lissen too! Dis wat Da One In Charge tell: “Ova an ova, da Judah peopo wen go agains me. Az why no way I goin let um go an no punish dem! Cuz me, Da One In Charge, I wen give um da Rules, But dem, dey ack jalike da Rules no matta! Dey no like do wat I wen tell dem fo do. Jalike dea ancesta guys, Dey let da fake gods make um go da wrong way.

Amos 2:6

You betta lissen! Dis wat Da One In Charge tell: “Ova an ova, you Israel peopo wen go agains me. Az why no way I goin let you guys go an no punish you guys! You Israel peopo tell, ‘Dis guy owe me money.’ Da judge tell, ‘Nah, he no owe notting.’ But no matta wat da judge tell, Still yet, you Israel peopo go sell da guy Fo silva money fo make um one slave. Da guy dat no mo notting, You Israel peopo sell um Jus cuz da guy owe you fo one pair new slippas.

Zekariah 9:1

Dis message from Da One In Charge tell bout da Hadrak an Damascus peopo an dea land: Cuz all da peopos inside da world, Jalike all da Israel ohanas, stay look to Da One In Charge.

Zekariah 9:2

Da One In Charge talk bout Hamat too, Dat stay nex to Damascus, An bout Tyre an Sidon towns too, No matta dea peopo know plenny bout wat fo do erytime.