Amos 1:2 - Hawaii Pidgin Bible

² Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Amos 1:2 ပူးပေါင်းရင်းမြစ်များ

Songs 29:4

Wen you hear Da One In Charge tell someting, You know he strong. Wen he talk, You know he awesome.

Songs 46:6

Wen God tell someting, Soun jalike thunda. Da diffren peopos, Dey make plenny noise, cuz dey sked! Dea govmen guys, Dey no can stan up strait! Jalike da groun stay melt unda dem!

Smart Guys 20:2

Wen da king get mad, You betta come sked, Jalike you sked wen da lion make big noise! You make da king o da lion mad, You goin mahke!

Isaiah 33:9

Even da Judah land look jalike stay sad inside An plenny tired. Lebanon side, da trees look jalike dey come shame, An da leaf look jalike stay dry. Sharon side, no mo rain, Stay jalike da dry Arabah valley. Bashan an Carmel side, Da plants leaf, all stay fall down.

Isaiah 35:2

Goin get flowas all ova da place dea. Da peopo inside da boonies goin dance an sing, An yell cuz dey feel good inside. Goin come awesome dea inside da boonies, Jalike da Lebanon mountain, An jalike Mount Carmel an da Sharon plain. Da peopo dea goin see dat Da One In Charge stay real awesome Dey goin see dat he da king.

Isaiah 42:13

Da One In Charge, he goin out fo fight Jalike one strong army guy. Jalike one army guy he stay ready fo fight, An he yell. He stay huhu, an he yell fo start fo fight Da guys dat stay agains him, An he goin be da winna ova dem!

Jeremiah 12:4

“Da land stay coming all dry, An da grass inside ery field stay come wipe out, An da animals an birds go way awready. Cuz da peopo dat live inside dat land do bad kine stuff. How long moa, till you goin make dem stop?! An dose bad peopo stay tell, ‘God no give a rip wat happen to us guys!’ ”

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Jeremiah 25:30

“You, Jeremiah, go talk fo me to all da diffren peopos. Tell all dis stuff agains dem, an tell dem: “ ‘Jalike one lion dat stay ready fo hunt, Da One In Charge goin make big noise from da sky. He goin make thunda From da place dat stay spesho fo him. He goin make one big noise fo make da sheeps come sked his peopo. An he goin yell plenny, Jalike da guys dat step grapes fo make wine. He goin yell agains all da peopo dat live on top da earth.

Jeremiah 28:8

From befo time, da guys dat wen talk fo Da One In Charge befo me an you, dey wen tell bout all da bad kine stuff dat goin happen to plenny countries an plenny strong kings. Dey tell how goin get war, an real bad kine tings goin happen, an goin get da real bad kine sick.

Jeremiah 50:19

But I goin bring back da Israel peopo Jalike dey sheeps dat get dea place fo eat grass. An dey goin eat grass on top Mount Carmel An up country Bashan side. Dey goin eat plenny On top da hills Efraim side an Gilead side, Till dey come full.”

Hosea 11:10

“Bumbye da Israel peopo goin come follow me, Da One In Charge. I goin make one loud noise jalike one lion. Wen I make dat loud noise, My peopo goin come from da islans on da west side, sked an shaking!

Hosea 13:8

I goin attack dem jalike one bear Wen somebody steal her bebes. I goin rip dea heart open. I goin eat um up right den an dea, jalike one lion, Jalike da wild animals bus up da body a da animals dey catch. I goin bus up dea body!

Joel 1:19

Da One In Charge, you da one I yell to fo help! Cuz da fire wen burn up da grass inside da boonies, An burn all da trees country side.

Joel 2:11

Da One In Charge make noise jalike da thunda. He lead his army guys, Mo plenny den can count um. Dey strong, an dey do wat he tell um fo do. Da time wen Da One In Charge come fo take ova, Erybody goin stay sked an suffa. No mo nobody can hang in dea.

Joel 3:16

Da One In Charge goin make one big noise From his temple on top Mount Zion. His voice goin soun real loud from Jerusalem. Da earth an da sky goin shake. But Da One In Charge goin be jalike one place fo hide fo his peopo, Jalike one strong place wea da Israel peopo can hide.

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Nahum 1:4

He can talk strong to da ocean, an make um come dry. He make all da rivas come dry. Da green grass all ova Bashan an Carmel come no good too. Da flowas inside Lebanon come no good an mahke.

1 Samuel 25:2

Had one guy Nabal. He from da Caleb ohana. He live Maon town, an get biznis nea dea inside Carmel town. He one importan guy an own 3,000 sheep an 1,000 goat. Nabal wife, her name Abigail. She one good looking wahine dat know how fo tink real good. But her husban, he da kine guy come all huhu if somebody tell him he gotta do someting, an no bodda him wen he do bad kine stuff. Dat time, Nabal an his guys stay cut da wool from da sheeps Carmel side.