2 Timoty 3:16 - Hawaii Pidgin Bible

¹⁶ Eh, eryting inside da Bible stay dea cuz God breave um inside da guys dat wen talk fo him befo time. Dass why eryting inside da Bible, az good fo use um fo teach, an fo show wat stay wrong, an fo help peopo no do da bad kine stuff no moa, an fo turn back an stick wit da good kine stuff, an fo teach peopo fo do wass right.

2 Timoty 3:16 ပူးပေါင်းရင်းမြစ်များ

2 Samuel 23:2

“Da Spirit from Da One In Charge give me da words fo tell erybody. He use my mout fo tell stuff.

Nehemiah 9:20

You sen yoa Good Spirit fo teach dem. You neva hold back da manna bread Dat come from you fo dem eat. You give um watta wen dey thirsty.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Songs 119:130

Wen peopo hear da tings you tell, Eryting come clear fo dem, Jalike get light. An dat help da peopo Dat donno wat fo do Undastan wat fo do.

Songs 119:9

Fo one young guy, How he goin make shua He no goin do notting pilau kine, All da time he stay alive? He gotta make shua he do Eryting you tell um fo do! Az how.

Smart Guys 15:10

Da peopo dat go away from da right way, Dey goin get good lickins fo teach um wass right. Da peopo dat no lissen Even wen somebody tell um dey wrong, Dey goin mahke.

Smart Guys 15:31

Wen somebody give you Strong kine words dat can keep you alive, An you lissen, Dat mean, you one a dose guys Dat know wat fo do erytime.

Smart Guys 6:23

Cuz da ting I tell you fo do, An da rules yoa muddah teach you, Dass jalike one small lamp, O one light Dat show you da way fo live fo real kine, An show you wat you wen do wrong, Fo you go back to da right way fo live.

Micah 2:7

But you Jacob ohana peopo, You guys tink az good you talk lidat, o wat?! You tink da Spirit a Da One In Charge come huhu too fas? You tink az how he do stuff, o wat? Da One In Charge tell: “Fo shua, wat I tell make good tings happen Fo da peopo dat do right kine stuff.

Zefaniah 3:2

Dey no lissen nobody. Dey tell “Laytas” wen somebody teach um how fo do da right ting. Dey no trus Da One In Charge. Dey no come nea dea God.

Matthew 13:52

Jesus tell um, “All da teacha guys dat teach da Rules From God, an den go learn how dey can get God inside da sky fo dea King, dey jalike one rich guy dat bring out from his place new kine stuff an ol kine stuff too.”

Matthew 21:42

Den Jesus tell um, “You guys neva read dis inside da Bible, o wat? bout da stone dass jalike me: “Had one big stone, Da builda guys stay figga, ‘Poho! Dis stone no good!’ An dey throw um out. But dat stone, Dass da corna block Fo make da building strong. Da One In Charge wen do dis, aah? An dis awesome!”

Matthew 22:43

Jesus tell, “Den how come God Spirit tell King David fo call God Spesho Guy ‘Boss’? Cuz David tell,

Matthew 26:54

But I no goin tell him dat, cuz da tings dat da Bible wen tell befo time gotta happen.”

Matthew 26:56

But all dis gotta happen, jalike da guys dat talk fo God wen write inside da Bible.” Den all his guys bag, an no mo nobody stay dea by him.

Mark 12:24

Jesus tell um, “You guys all jam up, you know. Cuz you guys donno wat da Bible tell from befo time, az why, an you guys donno da powa God get.

Mark 12:36

You know, God Good An Spesho Spirit wen tell David fo tell dis: “ ‘Da One In Charge, He tell my Boss, “Go come ova hea, sit down! Dis da importan place by my right side. Bumbye I goin make da peopo dat go agains you Go down in front you, Fo show dat you da winna ova dem.” ’

John 10:35

Kay den. We know dat eryting da Bible tell from befo time, stay true. So, if God call dem guys he talking to ‘gods,’

John 3:20

Erybody dat stay do bad kine stuff hate da light, an no like let da light shine on top dem. Cuz dey no like nobody know bout da bad kine stuff dey stay do.

Jesus Guys 1:16

He tell, “My braddahs an sistahs, wat da Bible tell wen happen awready, an dass how gotta be. King David tell long time befo time bout da guy Judas, cuz da Good An Spesho Spirit wen tell David all dat. Judas, he da guy wen bring da guys dat bus Jesus, an wen show dem wat one him.

Jesus Guys 18:25

Befo time odda braddahs teach him bout Da One In Charge, az Jesus. Apollos talk wit plenny powa. Da stuff he know bout Jesus, he teach um good. But he ony know bout wat John Da Baptiza Guy wen teach.

Jesus Guys 20:20

You guys know I no stay sked fo teach you guys all da stuff dat goin kokua you. I teach you guys in front all da peopo an inside yoa houses.

Jesus Guys 20:27

Cuz I no sked fo tell you guys all da stuff God like fo you guys do.

Jesus Guys 28:25

Dey go way an make argue wit each odda. But firs Paul tell, “Da Good An Spesho Spirit wen tell yoa ancesta guys da trut! Isaiah talk fo God

Rome 15:4

Eryting dat peopo wen write inside da Bible befo time, all dat stay inside da Bible fo teach us guys fo come mo strong fo hang in dea. Dass da good kine words we get from da Bible. Fo shua we goin know dat bumbye God goin do plenny good tings fo us.

Rome 2:20

You can teach da peopo dat donno notting an da ones dat still need one teacha. Cuz you get da Rules From God, you figga you get all da trut an you know eryting.

Rome 3:2

Az right! Cuz dat help um plenny. Numba one, cuz God trus da Jew guys fo take kea eryting he like fo peopo know.

Rome 4:23

Wen da Bible befo time tell how God figga dat, God no tell dat ony fo Abraham.

1 Corint 12:7

God show erybody wat his Spirit stay do, dass fo erybody help each odda.

Galatia 3:8

God wen show befo time inside da Bible dat he goin make all da diffren peopos get um right wit him cuz dey trus God. Az why God tell Abraham da Good Stuff From God way befo time. He tell: “Cuz a you, I goin do plenny good stuffs fo all da diffren peopos all ova da world.”

Rules Secon Time 29:29

Moses tell: “Get tings dat oua God, Da One In Charge, no show us. He know um, but he no show us guys. But da tings he stay show us, dass da kuleana fo us guys an oua kids foeva. So den us guys gotta follow all da rules he teach us fo do.”

Rules Secon Time 4:36

He make you guys hear his voice from da sky, fo teach you guys how you gotta do wat he tell. On top da earth he show you guys his awesome fire, an you guys hear him talk from inside da fire.

2 Timoty 2:25

Wen peopo go agains him, he gotta teach um da true stuff, an teach um nice kine. Den maybe God goin make dem change dea mind fo dem know da trut.

2 Timoty 4:2

So dis wat you gotta do: Tell erybody wat God tell. You gotta be ready an go all out, no matta if eryting going good o bad. Wen anybody do bad kine stuff, tell um how come wat dey wen do was bad, an tell um dey betta no do wass bad no moa. Give um good kine words. Fo all dis, you gotta stay tight wit dem guys fo long time, an make shua you teach um real good.

Hebrews 11:1

Wen we trus God, dat mean we stay shua bout da stuff we stay wait fo. Wen we trus God, we know dat God goin do dat stuff bumbye, no matta we no see um right now.

Hebrews 3:7

So, jalike da Good An Spesho Spirit tell inside da Bible, “Today, wen God tell you guys someting,

Hebrews 4:12

Az cuz wat God tell stay alive, an get da powa fo do wat suppose to do, an stay mo sharp fo change us guys inside den one sharp sword dat two side sharp. Wat God tell cut deep inside fo show fo real kine how we tink an wat we like do, an even cut deep inside da joints an da bone marrow. Wat God tell judge wat we tink an how we tink bout stuff.