2 Timoty 3:11 - Hawaii Pidgin Bible

¹¹ An you know dat peopo wen give me hard time. I wen suffa plenny Antiok side, an Iconium side, an Lystra side. I wen handle all kine presha, you know, an Da One In Charge, he wen take me outa all dat.

2 Timoty 3:11 ပူးပေါင်းရင်းမြစ်များ

Start 48:16

An he da angel messenja guy dat get me outa all kine trouble. Eh God! Do good kine stuff fo dese boys! Dey goin carry my name, An my faddah guys name too, Abraham an Isaac! Make um come big an plenny peopo, hea inside dis world!”

2 Samuel 22:1

David sing lidis fo Da One In Charge, da time Da One In Charge get um outa Saul powa, an outa da powa a all da odda guys dat stay agains him.

2 Samuel 22:49

Wen peopo come agains me, He get me outa dea. “Eh God! You even make me mo importan Den da peopo dat attack me. Wen peopo come fo bus me up, You get me outa trouble.

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Songs 37:40

Da One In Charge help dem An make shua notting happen to dem. He no let da bad peopo Do notting to dem, Cuz da peopo dat do wass right, Dey aks Da One In Charge Fo no let notting hurt dem.

Songs 91:14

Da One In Charge, dis wat he tell: “Eh, dis guy get love an aloha fo me An stay tight wit me, An he my guy cuz he know Who me fo real kine! Dass why I goin get him outa trouble An no let notting hurt him.

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Jeremiah 1:19

Dey goin fight you, But dey no goin win ova you. Cuz I stay wit you, An I goin get you outa trouble.” Az da message from Da One In Charge.

Daniel 6:27

He get his peopo outa trouble. He do awesome stuff an stuff you no tink az fo real he can do um Inside da sky an on top da earth. He wen get Daniel outa trouble So da lions neva hurt him.”

Jesus Guys 13:14

Paul an Barnabas, dey go from Perga to da odda Antiok, Pisidia side. On da Res Day dey go inside da Jew church an sit down.

Jesus Guys 13:45

Wen da Jew guys see all da peopo dass not Jews, dey come jealous, an talk bad bout da stuff Paul tell.

Jesus Guys 14:8

Had one guy inside Lystra dat no can walk cuz he born lidat.

Jesus Guys 20:19

I work fo Da One In Charge, Jesus, da one wit one good heart. An I wen stay cry cuz da Jew guys make me suffa plenny an try kill me.

Jesus Guys 23:10

Dey make argue even mo plenny, an da main captain figga dey goin broke up Paul. He tell his army guys fo go down, take Paul away from dem, an take him inside da army place.

Jesus Guys 26:17

I goin proteck you from yoa peopo an from da guys dass not Jew guys, so dey no kill you. I goin sen you

Jesus Guys 26:22

But God help me erytime till now. So I stan hea an talk to da peopo dat importan an da peopo dat not importan. I ony tell da stuff dat Moses an da odda guys dat befo time talk fo God tell goin happen. I no tell odda stuff.

Jesus Guys 9:16

An I goin show him how plenny he goin suffa cuz he my guy.”

Rome 15:31

Try aks God fo take kea me Judea side, so da peopo dat stay ova dea dat no like trus God no goin hurt me. An try pray fo me wen I go kokua da Jerusalem peopo dat stay spesho fo God fo dem stay good inside cuz a dat.

2 Corint 1:5

Christ, God Spesho Guy, wen suffa plenny fo us guys. Cuz Christ wen do dat, his Faddah give us choke plenny good kine words wen we suffa.

2 Corint 1:7

Az why we stay shua eryting goin work out okay fo you guys. We know dat wen you guys suffa jalike us, God goin kokua you guys jalike he kokua us.

2 Corint 12:10

So den, no bodda me. I still stay good inside, wen I no can handle, wen peopo try make me come shame, wen I get hard time, wen peopo make me suffa, an wen I get plenny presha. All dis stuff happen cuz me, I one Christ Guy. Wen I no can handle, den I get da powa fo handle cuz a him!

2 Timoty 4:7

Jalike one runna guy, I wen run good an pau da race. I wen hang in dea fo do eryting Jesus, Da One In Charge, wen trus me fo do.

2 Peter 2:9

All dis stuff show dat Da One In Charge know how fo get peopo outa trouble wen dey lissen him. Same time, he know how fo make da peopo suffa dat no like do wass right, till dey gotta stan in front God da Judge.