2 Timoty 2:13 - Hawaii Pidgin Bible

¹³ Even if us guys no trus God, Fo shua God erytime goin do wat he tell he goin do. He not goin ack jalike he not God!”

2 Timoty 2:13 ပူးပေါင်းရင်းမြစ်များ

Isaiah 25:1

Da One In Charge, you my God! I goin tell dat you da greates, I goin tell peopo I know wat good kine god you! Cuz you wen do awesome kine tings Wen you make one plan from long time befo, An us guys can trus you fo dat, An we know you tell da trut.

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Matthew 24:35

Da world an da sky goin go way, but da tings I tell no goin go way foeva.

Rome 3:3

But wat? You tink God no can do wat he tell he goin do, jus cuz had some Jew guys dat neva like trus him?

Rome 9:6

I no tell dat God neva do wat he promise fo do. Not all da peopo dat wen born from oua ancesta guy Israel, da fo real kine Israel peopo, you know.

1 Corint 1:9

God, he da One dat tell you guys fo come tight wit his Boy Jesus Christ, Da One In Charge a us guys. You guys can trus God erytime fo do wat he tell he goin do.

Rules Secon Time 7:9

Az why you guys gotta know dat yoa God, Da One In Charge, he da God dass fo real! He da God you can trus um fo do wat he tell he goin do. He make good da deal he wen make, an he stay tight wit da peopo dat get love an aloha fo him an do wat he tell dem fo do fo mo den tousan generation.

1 Tessalonika 5:24

You can trus God cuz he da One dat stay tell you guys “Go come! Be my guys!” an he goin make um happen.

2 Tessalonika 3:3

But Da One In Charge, we trus him. He goin make you guys come mo strong an solid inside, an he no goin let nobody hurt you.

Titus 1:2

Us guys can trus God. An we can know da trut. Az cuz we know fo shua dat bumbye God goin give us da real kine life dat goin stay to da max foeva! Az why us can wait lidat. God, from da time he wen make da world, he wen promise dat kine life. An he no bulai, you know.

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.