2 Timoty 1:13 - Hawaii Pidgin Bible

¹³ Eryting I wen tell you guys befo time was fo real. I wen tell you da importan stuffs, an you know how fo teach um da right way. So wen you stay do all dis, trus God, an show love an aloha, cuz you stay tight wit God Spesho Guy Jesus Christ.

2 Timoty 1:13 ပူးပေါင်းရင်းမြစ်များ

Smart Guys 23:23

Go learn wass true, jalike you buying um. But no throw way wass true, jalike you selling um. Learn how fo know wat fo do erytime, An how fo live da way you suppose to live, An how fo undastan stuff.

Smart Guys 3:18

Wen you go all out fo know wat fo do erytime, Az jalike one tree dat get fruits Dat can make you live long time. An wen you try hard fo learn wat fo do an hang in dea, Good tings goin happen to you.

Smart Guys 3:21

“Eh my boy! Make shua you try hard an no foget Dat you gotta know how fo handle, An tink firs so you know wat fo do.

Smart Guys 4:13

I stay teach you wass right, So hang in dea. No go way from dat teaching. You betta stick wit um, Cuz az how you goin live fo real kine.

Smart Guys 8:14

“Me, I da one dat can teach peopo how fo make plan An fo tink real good bout eryting dey goin do. Me, I da Wahine Dat Undastan Stuff, An I get plenny powa.

Rome 2:20

You can teach da peopo dat donno notting an da ones dat still need one teacha. Cuz you get da Rules From God, you figga you get all da trut an you know eryting.

Rome 6:17

I tell God “Mahalo plenny!” Cuz befo time, you guys come slaves fo do da bad kine stuff. But now, you guys go fo broke. You lissen fo do all da stuff peopo wen teach you guys.

Philippi 1:27

Main ting, do eryting da right way, jalike da Good Kine Stuff Bout Christ tell you suppose to do. Den no matta I go see you guys, o I stay far away an ony goin hear wat you guys stay do, I goin know dis: you guys stay solid cuz you stay tight wit da one Spirit. You guys all get da same heart fo go all out an work togedda, so da odda peopo goin trus da Good Kine Stuff Bout Christ too.

Philippi 4:9

Eryting you guys wen learn from me, eryting I wen give you guys, eryting you wen see an hear wen I was wit you guys—go do um! Den, da God dat can make you guys so notting bodda you, he goin stay wit you guys.

Colosse 1:4

Us pray lidat cuz we wen hear dat you guys trus Jesus Christ, an dat you guys get plenny aloha fo all da peopo dat stay spesho fo God.

1 Tessalonika 5:21

Mo betta, go check out eryting, den stay tight wit da good stuff.

1 Timoty 1:10

Get da Rules From God fo da peopo dat go fool aroun, fo da mahus, fo da peopo dat steal peopo fo make um slaves, da bulaia peopo, da peopo dat bulai in front da judge, an any odda kine stuff dat stay agains da true teaching. Dass why us need da Rules From God.

1 Timoty 1:14

Da One In Charge a us guys, he wen do choke plenny good tings fo me. Now I stay tight wit Jesus Christ. Az why I can trus him, an I can show love an aloha jalike him.

1 Timoty 6:3

If get anybody dat teach diffren kine stuff, an no like take da solid stuff from Da One In Charge a us guys, Jesus Christ, an da stuff we teach bout God,

2 Timoty 1:1

Timoty, dis letta fo you, from me, Paul. You know Jesus Christ, da Spesho Guy God Wen Sen—he da One dat wen sen me all ova da place fo tell peopo bout him. He sen me cuz he wen make one promise dat peopo can come alive fo real kine, if dey stay tight wit Jesus Christ. An he wen sen me all ova fo tell um dat, cuz dass wat God like fo me do. I get real plenny love an aloha fo you, jalike you my boy! God da Faddah, an Jesus Christ Da One In Charge a us guys, I like dem do plenny good tings fo you, an give you chance, an make you stay so notting bodda you.

2 Timoty 1:14

Make shua you no change all da good kine stuffs Jesus give you fo teach. Da Good An Spesho Spirit goin help you fo take kea all dat, cuz he stay in charge a all us guys.

2 Timoty 2:2

You wen hear plenny kine stuffs from me, an had plenny odda peopo dea too dat wen hear eryting I tell you. Now, you gotta go pick peopo dat you can trus, an den, put dem in charge a all dat stuff. Dis wat I mean, pick peopo dat know how fo teach odda peopo da same tings I wen teach you.

2 Timoty 3:14

But you, Timoty, you gotta stick wit da stuff you wen learn, an you gotta make shua odda peopo know wat you wen learn too. Cuz you know who da peopo dat wen teach you all dis, an you know how dey stay.

2 Timoty 4:3

You know, da time goin come, wen peopo no goin like lissen da peopo dat teach da solid kine stuff. Dey goin do wateva dey like. Dass why dey goin bring togedda mo an mo teacha guys, but ony fo teach um da kine stuff dey like hear.

Titus 1:9

He gotta stick wit da kine stuff us guys teach. Dass da kine stuff you can trus. Az why da stuff he teach da peopo goin make sense, an he goin give dem good kine words. Same time, da peopo dat no like da stuff he teach, he know how fo make dem see dat dey wrong.

Titus 2:1

Eh, Titus, erytime you talk, make shua you teach da right kine stuff, jalike God guys wen teach you fo do.

Titus 2:8

Da stuff you tell, gotta be solid, fo nobody tell you donno wat you stay talking bout. Den, if get one guy dat no like wat you tell, he goin come all shame, cuz he no can tell us guys do bad kine stuffs.

Hebrews 10:23

We stay shua dat God goin do good kine stuff fo us bumbye. So us guys goin go all out an no make jalike we not shua bout wat we tell goin happen. Cuz God da One dat wen make one promise dat he goin do good kine stuff fo us, an he erytime do wat he tell he goin do.

Hebrews 3:6

But Christ, he God Boy, an cuz a dat, he stay in charge a God peopo. An you know, us guys God peopo. If we hang in dea, an no shame fo come tight wit God, we erytime goin talk bout da good kine stuffs we stay wait fo God do bumbye.

Hebrews 4:14

Kay den. Now us guys get Jesus. He God Boy, an he da bestes Main Pries Guy dat eva get. He wen go awready all da way back up inside da sky wea God stay! Az why all us guys dat tell we trus Jesus, we gotta hang in dea an no give up fo trus him.

Jude 1:3

My frenz, I like write you guys real bad fo tell you guys mo bout how God take all us guys outa da bad kine stuff. But now, I gotta write you guys dis: God wen pass down da stuff he like tell da peopo dat stay spesho fo him. He do dis ony one time, an goin be lidis foevas. An dass da stuff you guys wen trus. An you guys gotta proteck dis trut dat he wen trus you fo keep.

Jesus Show 2:25

Jus hang in dea an trus God real good, till I come back.’ ”

Jesus Show 3:11

“Eh, I coming back quick! Hang in dea fo nobody take away wat you wen win.”

Jesus Show 3:3

So den, no foget how you guys wen take da stuff I teach you, an you guys wen go all out fo do um. So, stay do lidat. Come sorry fo da bad kine stuff you guys stay do now, an no do um no moa. If you guys no wake up, I goin come real fas, jalike one steala guy, an you guys no goin know da time I goin show up.’