2 Tessalonika 3:8 - Hawaii Pidgin Bible

⁸ We neva jus eat stuff fo free dat time, you know. We wen bus ass day time an nite time, doing all kine work. We wen make lidat cuz we neva like make hard fo nobody, dass why.

2 Tessalonika 3:8 ပူးပေါင်းရင်းမြစ်များ

2 Kings 6:2

Mo betta us go da Jordan Riva, wea erybody can cut one beam fo build one place ova dea fo us guys live.” Elisha tell, “Go do um.”

Nehemiah 5:18

Ery day my peopo cook fo erybody one cow, six sheeps dat dey pick spesho fo us guys, an some chickens, an dey cook um fo me. Ery ten days gotta go get plenny diffren kine wine. Still yet, wit all dat food, I no aks fo da money I get da right fo use cuz I da govna, cuz dat make da peopo work mo hard fo do all dat.

Smart Guys 31:27

She watch eryting dat stay go on inside her house, Fo make shua eryting stay good. She no suffa jalike da lazy kine peopo.

Matthew 6:11

Try give us da food we need fo ery day.

Jesus Guys 18:3

Paul make tents an dey make um too, so he stay wit dem an work wit dem.

Jesus Guys 20:34

You guys know dat I wen work fo all da stuff me an my frenz need.

1 Corint 4:12

Eh, we work hard wit oua hands. Wen dey talk any kine to us, we tell um, “We like God do good tings fo you guys.” Wen dey bus us up an make us suffa plenny, we still hang in dea.

1 Corint 9:4

You no tink me an Barnabas get da right fo get stuff fo eat an drink from da peopo we teach, o wat?

2 Corint 11:27

I get hard time, an I wen bus ass. Plenny times I no can sleep nite time. I get hungry an thirsty, an had plenny times I no mo notting fo eat. I neva have clotheses, an I wen stay real cold.

2 Corint 11:9

Wen I wen stay wit you guys an I need someting, I neva bodda you guys fo go aks fo someting. Da Macedonia braddahs wen come an kokua me. But erytime I neva bodda you guys notting, an I no goin bodda you guys eva.

Efesus 4:28

Whoeva steal stuffs betta not do um no moa. Dey gotta work hard fo do good kine stuff wit dea hands. Den dey can give stuffs to da peopo dat need um.

1 Tessalonika 2:9

Eh, my braddahs an sistahs, you guys no foget how hard we wen work, dat time, aah? We wen work day time an nite time, fo us neva need live off nobody, not even one a you guys. Same time, we wen tell you guys da Good Kine Stuff From God.

1 Tessalonika 4:11

Go all out fo make nice to erybody, an no bodda odda peopo. Take kea a yoa biznis, an work wit yoa hands, jalike we wen tell you guys fo do awready.

2 Tessalonika 3:12

Da kine guys dat stay make lidat, we stay tell dem an beg dem fo no make lidat, cuz we Jesus Christ guys, an him Da One In Charge. “No be lazy, get one job! Use da money you get fo buy da food you need!”