2 Tessalonika 3:14 - Hawaii Pidgin Bible

¹⁴ Now, if get one guy dat no like lissen da stuff we stay telling you in dis letta, watch out fo dat guy. Stay away from him. Bumbye he goin come shame.

2 Tessalonika 3:14 ပူးပေါင်းရင်းမြစ်များ

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Songs 83:16

Make dem lose face an come shame, fo dem like find out bumbye Wat kine god you, Da One In Charge.

Smart Guys 5:13

I neva lissen my teacha guys. I neva like hear wat anybody try fo teach me.

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Jeremiah 6:15

You tink dey come shame fo da pilau kine stuff dey do?! No way! Dey no mo shame! Dey no even know how fo ack jalike dey shame. Az why dey goin get kill same time da odda peopo get kill. Dey goin fall down wen I punish dem.” Az wat Da One In Charge tell.

Zefaniah 3:2

Dey no lissen nobody. Dey tell “Laytas” wen somebody teach um how fo do da right ting. Dey no trus Da One In Charge. Dey no come nea dea God.

Census 12:14

Da One In Charge tell Moses, “If her faddah wen spit in her face, den she wen come shame fo seven day. Kay den, make her stay outside da camp seven day. Afta dat, bring her back inside.”

Matthew 18:17

If he no like lissen dem, den go tell all da church guys. An if he no like lissen dem, make to him jalike he from one a da peopos dat donno God, o jalike he one crooked guy dat colleck tax money.

Rome 16:17

My braddahs an sistahs, I get one mo ting fo tell you guys: Watch out fo da kine peopo dat try hard fo make you guys go agains each odda fo split you up, an try fo make you guys do bad kine tings! Da stuff dey tell you guys stay agains da tings us guys wen teach you. So, no go hang aroun dat kine peopo!

1 Corint 4:14

Eh! I no write dis fo make you guys come shame, but cuz I get love an aloha fo you guys jalike you my kids. Dass why I stay tell you guys dat you guys get problem.

1 Corint 5:11

But now, dis wat I mean: you guys betta not hang aroun one guy dat tell he one braddah, but still yet he fool aroun, o he like get eryting ony fo him, o he go pray to da idol kine gods, o he talk bad an bulai bout odda peopo, o he get piloot, o he rip off peopo. Dat kine guy, no do notting wit him—no even eat wit um!

1 Corint 5:9

Jalike I wen tell you guys inside my letta befo time, “No hang aroun da kine peopo dat fool aroun.”

2 Corint 10:6

Afta you guys start fo do eryting Christ tell you fo do, us goin stay ready fo punish wateva still yet go agains wat Christ tell us fo do.

2 Corint 2:9

Az why I wen write you guys befo time fo see if you guys goin do da right ting, an do eryting I tell you fo do.

2 Corint 7:15

An he get even mo love an aloha fo you guys erytime he rememba how you guys wen do wat we tell you fo do. You guys wen take Titus in, no matta you guys stay sked an shaking.

Rules Secon Time 16:12

No foget, you guys was slaves inside Egypt, so make shua you do all dese tings you guys gotta do.

Philippi 2:12

So den, my good frenz, you guys erytime stay do wat God tell you fo do. Wen I was wit you guys, dass how you guys wen live. An now, wen I not wit you guys, you guys stay do um even mo plenny. Do eryting you guys gotta do cuz God take you guys outa da bad kine stuff you wen do befo time. Do um jalike you guys sked an shaking in front God.

Colosse 4:16

Wen you guys pau read dis letta, give um to da church guys Laodicea side fo dem read um, an you guys, read da letta I wen sen dem.

1 Tessalonika 4:8

So den, da guy dat tell “Laytas” to all dis stuff I stay tell you guys, az not jalike he tell “Laytas” to one guy, he tell “Laytas” to God! An God da One put his Spirit in charge a you guys. Dass da Spirit dat make you guys go all out fo God.

2 Tessalonika 3:6

Eh my braddahs an sistahs! Da One In Charge a us guys, Jesus, he God Spesho Guy, an us guys we his guys. Dass why us guys get da right fo tell you guys: No hang aroun wit all yoa braddahs an sistahs dat no like work, cuz dat mean dey no like do da stuff we wen pass on to dem from befo time fo dem do.

Titus 2:8

Da stuff you tell, gotta be solid, fo nobody tell you donno wat you stay talking bout. Den, if get one guy dat no like wat you tell, he goin come all shame, cuz he no can tell us guys do bad kine stuffs.

Titus 3:10

If somebody like make da church guys go agains each odda fo split up da church, tell him az wrong fo do dat. If he no stop, tell him one mo time. Den, if he still yet no stop, no lissen no mo to da guy.

Filemon 1:21

I write dis to you, cuz I know you goin do um, an you goin do even mo plenny den wat I tell you fo do.

Hebrews 13:17

Wen yoa leada guys tell you guys fo do someting, lissen dem, an do wat dey tell you fo do. Dey erytime try fo take kea you guys, day time an nite time, cuz dey know dat dey gotta show God dat dey stay do one good job lidat. Lissen dem, fo dem stay good inside, an no come bum out. Cuz if dey stay bum out, dat no goin help you guys notting.

2 John 1:10

If one guy come by you, an he no stay tell da same kine stuff us guys teach, no tell him fo come yoa house, an no tell him “Aloha.”