2 Tessalonika 2:5 - Hawaii Pidgin Bible

⁵ Fo shua, you guys no foget dat I wen tell you guys all dis stuff awready, dat time I wen stay ova dea wit you guys.

2 Tessalonika 2:5 ပူးပေါင်းရင်းမြစ်များ

Matthew 16:9

You guys no undastan, still yet? Wen I wen broke up da five breads fo da five tousan guys, how much baskets you guys wen pick up afta? Try tink bout dat.

Mark 8:18

You guys get eyes but no can see, an ears but no can hear. You guys foget awready, o wat?!

John 16:4

I wen tell you guys dis stuff too, so wen da time come, you guys no goin foget dat I wen tell you guys bout um. I neva tell you guys dis stuff befo, cuz I was wit you guys.

Jesus Guys 20:31

So watch out, you know! No foget fo three year I all da time tell all you guys day time an nite time bout dis stuff, an I even cry bout um.

Galatia 5:21

Dey like get da odda guy stuffs. Dey erytime party up an get piloot, an do all dat pilau kine stuff. I stay tell you guys, jalike I wen tell you befo time, da peopo dat make lidat, dey no goin get God fo be dea King.

1 Tessalonika 2:11

We wen treat erybody jalike one faddah treat his kids.

1 Tessalonika 3:4

Befo time, wen we was wit you guys, we stay tell you guys ova an ova dat we all goin suffa fo shua. An you guys know dat eryting wen happen jalike we wen tell you guys.

2 Tessalonika 2:6

Right now, get someting dat stay make dat Real Bad Guy hold back, an you guys know bout dat. Bumbye, wen da right time come, da Real Bad Guy dat stay broke all da rules goin show up.

2 Tessalonika 3:10

No foget wen we stay wit you guys, we wen tell you dis ova an ova: “No work, no eat!”

2 Peter 1:15

But still yet I goin go all out fo tell dis, so bumbye wen I mahke, you guys no goin foget.