2 Tessalonika 2:16 - Hawaii Pidgin Bible

¹⁶ Da One In Charge a us guys, Jesus Christ, an God oua Faddah too, dey get love an aloha fo all us guys. God get one good heart, an he no stop give us guys good kine words an help us wait till da good tings happen.

2 Tessalonika 2:16 ပူးပေါင်းရင်းမြစ်များ

Songs 103:17

But Da One In Charge, He stay tight wit his peopo From long time befo time, An till long time from now, Da ones dat get choke respeck fo him. Da peopo dat stick wit da deal God wen make, An no foget fo do Da tings he wen tell um fo do, He goin do wass right fo dem An fo dea kids an grankids too!

Isaiah 35:10

Da ones, Da One In Charge wen pay da price fo dem, Dey goin come back to Mount Zion. Dey goin go inside da Temple Fo Da One In Charge, An dey goin dance an sing An feel good inside all da time. All dat goin be jalike one crown on top dea head. Wen dey stay go, dey feel good inside Mo an mo erytime. Befo time, dey feel sore inside plenny. But all dat gone awready!

Isaiah 51:11

“Dis time, same ting! Fo get da peopo outa trouble, Da One In Charge goin pay da price. Dey goin come back Mount Zion side Inside Jerusalem town, Dey goin yell plenny cuz dey feel real good. Jalike dey stay wear one haku lei on top dea head Fo show dey like dance an sing all da time. Dey stay feel good inside An dance an sing wen dey stay coming. Dey no goin feel sore inside, An no goin moan no moa.”

Isaiah 61:7

Befo time, you guys had shame. Bumbye, you goin get double da stuffs you get befo time. Befo time, nobody respeck you guys. Bumbye, yoa peopo goin yell cuz dey feel good inside. So, yoa peopo goin own double da land, An dey goin dance an sing all da time Cuz dey feel good inside.

Luke 16:25

“But Abraham tell, ‘My boy, no foget wen you was alive, you get all da good kine stuff, an Lazarus suffa all da bad kine stuff. Now he stay good ova hea wit God, an you stay suffa inside da fire.

John 13:1

Was jus befo da Passova time. Jesus know dat was time fo him fo go outa dis world, an go by his Faddah. He erytime get love an aloha fo his peopo dat stay inside da world, an he get love an aloha fo dem to da max.

John 15:13

No mo nobody get mo love an aloha fo da odda guy, den da guy dat goin mahke fo his frenz.

John 15:9

“Jalike da Faddah get love an aloha fo me, dass how I get love an aloha fo you guys. Hang in dea an stay tight wit me, fo me give you guys my love an aloha.

John 16:22

Same ting wit you guys: Now, you guys stay sad an crying inside, but bumbye I goin see you guys one mo time, an den you guys goin stay good inside. Dat time, no goin get nobody fo make you feel bad one mo time.

John 3:16

“God get plenny love an aloha fo da peopo inside da world. Dass why he sen me, his one an ony Boy. Cuz a dat, erybody dat trus me no goin get cut off from God foeva! Dey goin get da real kine life dat goin stay to da max foeva!

John 4:14

But whoeva drink da kine watta I goin give, dey no goin come thirsty no moa. Cuz da kine watta I goin give dem goin come jalike watta dat stay come out all da time. An dat watta goin make dem live to da max foeva!”

Jesus Guys 15:11

No ways can! We trus dat we get outa da bad kine stuff we do, but az not cuz we do wat da Rules tell us fo do. Az cuz Jesus, Da One In Charge, do plenny good tings fo us guys, jalike he do fo da peopo dass not Jew guys.”

Jesus Guys 18:27

Apollos like go Akaia, an da braddahs kokua him. Dey write one letta fo da braddahs an sistahs ova dea, fo dem give Apollos dea aloha. Wen he go ova dea, he goin help da peopo dat trus God cuz God do plenny good tings fo dem.

Rome 1:7

You Rome guys, dis letta fo you. Eh, God get love an aloha fo you guys. He tell you fo come his spesho guys. God, he oua faddah, an Jesus, he Da One In Charge, he da Spesho Guy God Wen Sen. I like dem do plenny fo you guys, an make you guys come so notting bodda you.

Rome 4:16

Dass why mo betta trus him. God like do plenny good tings fo da peopo dat trus him. Az why we know da promise God wen make stay solid fo all us guys dat come from Abraham. Dis not ony fo da peopo dat get da Rules From God, but da peopo dat same time trus God jalike Abraham. Cuz he jalike da faddah fo all us guys.

Rome 4:4

Wen get one guy dat work, his boss pay him fo dat. Da pay not one present—dass wat da boss owe um.

Rome 5:8

But God show how plenny love an aloha he get fo us, cuz same time we do bad kine stuff, Christ still yet wen mahke fo us.

Efesus 5:2

Live wit plenny love an aloha fo erybody. Az jalike Christ get plenny love an aloha fo us guys. He wen give up his life fo mahke fo us guys, jalike he one sacrifice fo God, da kine sacrifice dat make God stay good inside.

Efesus 5:25

An same same you husbans, get plenny love an aloha fo yoa wife, jalike Christ get plenny love an aloha fo da church peopo. Dass why he give up his life fo mahke fo dem.

Colosse 1:23

But fo shua, you guys gotta hang in dea an trus God fo real kine. Den nobody can make you guys trus odda stuffs, an make you guys no trus da Good Stuff From God dat you guys wen hear bout, da stuff you guys stay waiting fo come. Get guys dat stay tell erybody all ova da world da Good Stuff From God. Eh, dass me Paul too, an I help tell dat Good Stuff From God.

Colosse 1:5

You guys stay lidat, cuz you guys know God get someting good fo you guys up dea wit him in da sky. Dass why you guys trus God, cuz you guys wen hear da Good An True Stuff From Him.

1 Tessalonika 1:3

We no foget da way you guys do all kine stuff cuz you trus Christ, an da way you guys work real hard cuz you get love an aloha fo him, an da way you guys hang in dea cuz you stay shua dat Da One In Charge a us guys, Jesus Christ, he goin come back. An God oua Faddah, he know all dis stuff too cuz he see eryting you guys do.

1 Tessalonika 3:11

God Oua Faddah an Jesus Da One In Charge a us guys. I like dem do eryting fo us guys go see you guys.

2 Tessalonika 2:13

Eh my braddahs an sistahs! Good us erytime tell God “Mahalo plenny” wen we tink bout you guys. Da One In Charge get plenny love an aloha fo you guys, you know! From da start, God wen pick you guys fo take you outa da bad kine stuff you wen do befo time. Dat mean, God Spirit goin make you guys be good an spesho fo him, an help you guys stay trus da stuff dat stay true.

Titus 1:2

Us guys can trus God. An we can know da trut. Az cuz we know fo shua dat bumbye God goin give us da real kine life dat goin stay to da max foeva! Az why us can wait lidat. God, from da time he wen make da world, he wen promise dat kine life. An he no bulai, you know.

Titus 2:13

Same time us guys stay good inside cuz we wait an trus dat Da One In Charge a us guys, Jesus Christ, goin come back. Goin be awesome! Jesus, he wen take us outa da bad kine stuff we stay do. He God, you know, an he get powa ova eryting!

Hebrews 7:19

An you know, da Rules neva make nobody come perfeck. Now, God give us someting mo betta. So den, now us stay shua we goin trus him. An cuz a dat, we stay tight wit him.

1 John 3:16

Dass why us know how fo show love an aloha fo real kine: cuz Christ wen give his body fo mahke fo us guys! So den, us gotta be ready fo do da same kine ting fo oua braddahs an sistahs.

Jesus Show 1:5

An Jesus Christ, da Spesho Guy God Wen Sen, I like him do plenny good tings fo you guys. Can trus him fo tell da trut bout wat God tell him. He da firs One dat come back alive from mahke. He da main leada ova all da kings inside da world. He da One dat get love an aloha fo us guys. He wen bleed an mahke, An make us come clean From all da bad kine stuff we do.

Jesus Show 22:5

No goin get nite time no moa. Dey no goin need da light from da lamp o da light from da sun, cuz God, Da One In Charge, he goin give dem light. An dey goin be in charge a da world wit God da King foeva.

Jesus Show 3:9

Get peopo dat come togedda inside one church, an tell dey God peopo. But fo real, dey Satan peopo. Dey ony bulai. I goin make dem come an go down in front you guys feet. An dey goin find out dat I get love an aloha fo you guys.