2 Tessalonika 1:12 - Hawaii Pidgin Bible

¹² Den, wen you guys make lidat, erybody goin tell good tings bout Jesus, Da One In Charge, cuz dey goin know how awesome he stay. An cuz a him, dey goin tell good tings bout you guys too. All dat goin happen cuz oua God, an Da One In Charge, Jesus, God Spesho Guy, dey like do plenny fo you guys.

2 Tessalonika 1:12 ပူးပေါင်းရင်းမြစ်များ

Start 18:18

Cuz da peopo dat goin come from Abraham, dey goin come one importan peopo bumbye, wit plenny peopo. All da diffren peopos all ova da world, bumbye wen dey tink bout Abraham, dey goin tell, ‘Eh! We like God do good tings fo us guys, jalike he stay do fo Abraham!’

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Isaiah 24:15

Dass why you peopo dat live east side Wea da sun come up, Make shua da peopo dea show respeck fo Da One In Charge! An you guys dat live dea on top da islans, Make shua da peopo dea know wat kine god Da One In Charge, Da God fo us Israel peopo!

Isaiah 45:17

But you Israel peopo, you goin get outa trouble Cuz you stay tight wit Da One In Charge. An da way he get you outa trouble, goin be foeva! You no goin get shame, An nobody goin make you come shame no moa, foeva!”

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Isaiah 66:5

You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

John 17:10

Eryting I get, dass yoas. An eryting you get, dass mines. My peopo stay show how awesome I stay awready.

Rome 1:7

You Rome guys, dis letta fo you. Eh, God get love an aloha fo you guys. He tell you fo come his spesho guys. God, he oua faddah, an Jesus, he Da One In Charge, he da Spesho Guy God Wen Sen. I like dem do plenny fo you guys, an make you guys come so notting bodda you.

1 Corint 1:4

Erytime I tink bout you guys, I tell God “Mahalo plenny fo dose Corint peopo!” God get one good heart, no matta befo time you guys wen do bad kine stuff. He do plenny good stuff wit aloha fo you guys, cuz you guys stay tight wit his Spesho Guy Jesus Christ.

2 Corint 13:4

Christ neva have powa wen dey wen kill him on top da cross. But Christ get da powa fo live now. Dass jalike us guys. Us no mo powa wen we stay tight wit Christ. But us an you goin live wit Christ fo real kine cuz a da powa God give you guys.

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.

Philippi 3:9

I like erybody know dat I stay tight wit Christ. I do wat da Rules From God tell me fo do, but dat no make me get um right wit God. I get um right wit Christ cuz I trus him! Az why wen I trus him, God da One dat make me get um right wit him.

2 Tessalonika 1:10

All dat goin happen wen Jesus, Da One In Charge a us guys, come back. Dat time, erybody goin know how awesome he stay, cuz he goin stay tight wit da peopo dat stay spesho fo him. An all da peopo dat wen trus him, dey goin tell, “Wow!” Same ting goin happen fo you guys, cuz you guys wen trus da stuff we wen tell you bout him.

Titus 2:11

How come us guys gotta make lidat? Az cuz God wen show erybody he get one good heart fo help dem. An dass why he can take erybody outa da bad kine stuff dey do.

1 Peter 4:14

Wen somebody talk any kine to you cuz you Christ guys, you can stay good inside, cuz God awesome Spesho Spirit stay inside you.

Jesus Show 1:4

Dis letta from me, John. I stay write um to you church peopo dat come togedda inside seven churches inside West Asia. I like God do plenny good tings fo you guys, an make you guys so notting bodda you. Az da One dat stay now, an stay from befo time, an goin stay foeva! An da seven spirits in front God throne, I like dem do good tings fo you guys too.