2 Samuel 7:26 - Hawaii Pidgin Bible

²⁶ Az how yoa name goin stay big foeva. Peopo goin tell, ‘Da One In Charge, Da God Ova All Da Armies, he da God fo da Israel peopo.’ An me, David yoa worka guy, my ohana goin stay strong an solid in front you.

2 Samuel 7:26 ပူးပေါင်းရင်းမြစ်များ

Start 17:18

Abraham tell God, “Okay den. I like Ishmael be da one you goin take kea of.”

2 Samuel 7:25

“An now, oua God, Da One In Charge, make solid foeva da promise you wen make bout me, yoa worka guy, an bout my ohana foeva. Do jalike you wen promise fo do!

1 Kings 18:36

Wen time fo make da sacrifice, Elijah da guy dat talk fo God go by da altar an pray lidis: “Da One In Charge, you da God fo Abraham an Isaac an Israel. Today, I like erybody know, dat you da God fo da Israel peopo, an you da boss fo me. An all dese tings I do, I do um cuz dass wat you tell me fo do.

1 Kings 18:37

Da One In Charge, do someting fo show you lissen me, so den dis peopo goin know dat you Da One In Charge, you da God dass fo real, an dat you stay make dem trus you one mo time.”

Songs 115:1

Eh! You Da One In Charge! No need fo somebody Tell good tings bout us guys. Mo betta, peopo tell good tings Bout wat kine god you! Cuz you da One dat do Awesome kine stuff! Cuz you stay tight wit yoa peopo, An you da kine God Dat us guys can trus.

Songs 61:7

I like fo da king Stay king foeva in front God! I like fo God make shua Notting bad goin happen to him. I like God stay tight wit him, An erytime do wat he tell he goin do.

Songs 89:36

Goin get peopo dat come from him Fo be da king in front me foeva, Jalike da sun come up foeva.

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.

John 12:28

I tell dis: ‘Faddah, let um happen, so erybody goin know how awesome you stay.’ ” Den one voice from da sky tell, “I wen show dem I stay awesome awready, an I goin show um one mo time.”