2 Samuel 7:23 - Hawaii Pidgin Bible

²³ No mo odda peopo inside da whole world jalike us guys, yoa Israel peopo! Us da ony peopo in da world dat get one God dat come an pay da price fo make us his peopo! You wen do dat fo show erybody wat kine god you, an fo do big an awesome an unreal kine stuff fo yoa land. You wen pay da price fo get yoa peopo outa Egypt, fo throw out da peopos dat live hea befo time, an dea gods too.

2 Samuel 7:23 ပူးပေါင်းရင်းမြစ်များ

2 Samuel 7:24

You wen make us Israel peopo come yoa peopo foeva! An you, Da One In Charge, wen come da God fo us guys!

1 Records 17:21

An no mo nobody stay jalike yoa Israel peopo! No mo odda peopo on top da earth jalike dem! Dea God wen go out an do wat he gotta do fo make dem come his peopo! Dass how you wen make erybody know wat kine god you, cuz you do big an awesome an unreal kine stuff. You even wen throw out da odda peopos from in front yoa Israel peopo. Dey da ones you wen make um no be slaves fo da Egypt peopo no moa.

Nehemiah 1:10

“All us guys, we get you fo oua boss. Us da peopo you wen get outa trouble, cuz you strong, an you get plenny powa!

Songs 106:22

He do awesome tings Inside da land wea da Ham peopo live, An make unreal kine tings happen By da Red Sea.

Songs 111:9

He wen do wat he gotta do Fo get his peopo outa trouble. He wen tell dat Da deal he wen make wit dem, Goin stay foeva. Wen you know wat kine god him, You know dat he stay good an spesho, An you know you betta Come sked a him.

Songs 145:6

Erybody goin talk bout how strong you Fo do da awesome kine tings Dat blow dea mind! I goin tell da story ova an ova Bout da awesome tings you do!

Songs 147:20

He neva do notting lidat Fo da odda peopos. Dey neva find out da tings Da One In Charge tell Cuz he da judge. Tell good tings bout Da One In Charge!

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

Songs 44:3

Oua ancesta guys Wen take ova dis land, But no was cuz dey good wit swords O mo strong. Da main ting dat wen help dem fo win, Was cuz you stay strong. Cuz you like dem, An you like do good tings fo dem.

Songs 65:5

Wen we yell to you fo help us guys, You stay do real awesome an unreal tings Cuz you da God Dat stay get us outa trouble. Even da peopo dat live Da odda side a da world An inside da far oceans, Dey stay trus you.

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Outa Egypt 12:12

“Dis wat I mean: Dat nite, I goin pass ova da Egypt land, from one side to da odda side. Ery numba one boy dat live inside da land, I goin kill um. Da peopo an da animals, same ting. Dass how I goin show proof to da Egypt peopo dat all da gods dey pray to, dey notting, cuz me Da One In Charge!

Outa Egypt 33:16

Cuz ony get one way dat anybody goin find out dat you like me an yoa peopo. You gotta go wit us guys! An if you go wit us guys, az how me an yoa peopo goin be diffren den all da odda peopos inside da world.”

Outa Egypt 6:7

“I goin make you guys come my peopo, an I goin come da God fo you guys. Den you guys goin know dat me Da One In Charge, da God fo you guys, da One dat get you guys out from da hard work dat da Egypt peopo make you guys do.

Outa Egypt 9:15

If I wen like befo now, I can use my powa fo make you an yoa peopo come sick, an wipe out all you Egypt guys from dis world. But I neva.

Outa Egypt 9:16

So, how come I stay let you live, aah? Az fo make you see dat I get all da powa, az why! Cuz I like make da peopo all ova da world know who me fo real kine.

Jeremiah 32:20

You wen do awesome stuff fo show da peopo inside da Egypt land yoa powa, an you wen do stuffs ony you can do, an peopo know bout all dat, still yet today. Az how you make plenny peopo know wat kine god you—da Israel peopo an all da odda peopo all ova da world.

Jeremiah 32:21

Wen you wen bring yoa Israel peopo outa Egypt, you wen do all kine awesome stuff fo show da Egypt peopo yoa powa, an do stuffs ony you can do. You use yoa powa, an do awesome an unreal kine stuffs.

Ezekiel 20:9

But fo keep my good rep, I make shua da odda peopos aroun dem no give me one bad rep. Cuz dose odda peopos see wat I do, da time I let da Israel peopo see me an I bring um outa Egypt.

Census 6:27

Az how da pries guys goin give da Israel peopo my name, an I goin do good kine stuff fo dem.”

Efesus 1:6

God like his kids fo tell how awesome all da good kine tings he stay do fo us. God do good tings fo us cuz we stay tight wit Christ, an God get plenny love an aloha fo Christ.

Rules Secon Time 10:21

He da One you guys talk good bout. He yoa God dat do all dose awesome an unreal kine tings dat you guys wen see.

Rules Secon Time 15:15

No foget, you guys was slaves too, Egypt side, an yoa God, Da One In Charge, wen do wat he gotta do fo get you guys outa dea. Az why I tell you guys today fo give da slave guys plenny wen you let um go.

Rules Secon Time 33:29

You Israel peopo can stay good inside! No mo nobody jalike you guys. Da One In Charge get you guys outa trouble. Jalike he yoa shield, He help you guys. Jalike he yoa awesome sword, He fight fo you guys. Da peopo dat stay agains you guys Goin come sked an shaking in front you guys. You guys goin walk all ova dea backs.”

Rules Secon Time 9:26

But I pray to Da One In Charge, an I tell, ‘You da One In Charge! You da Boss! Try no wipe out yoa peopo! You own dem, an you wen do wat you gotta do fo get dem outa trouble cuz you big an awesome! You wen use yoa strong powa fo bring um outa Egypt.

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

Joshua 7:9

Da Canaan peopo an da odda peopo inside da land goin hear bout dis, an dey goin make one circle aroun us an wipe us out. Den us no goin be no moa! Den wat you goin do fo show peopo dat you get powa?”

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.