2 Samuel 7:22 - Hawaii Pidgin Bible

²² “You da One In Charge a me, fo shua, an you stay real importan! No mo nobody stay jalike you, an no mo any odda God, ony you! All da tings us guys wen hear awready, stay true!

2 Samuel 7:22 ပူးပေါင်းရင်းမြစ်များ

2 Samuel 22:32

Cuz no mo anodda god dass fo real. Da One In Charge, he da ony God! No mo anodda god dat stay strong Jalike he one big solid rock. Oua God, he da ony one!

1 Kings 8:23

He tell God dis: “Eh! You Da One In Charge! You da God fo us Israel peopo! No mo anodda god dat stay like you. Not inside da sky up dea, Not on top da earth down hea. You do jalike you wen make one deal wit oua peopo fo do. You stay tight wit us guys dat stay work fo you, An dat stay live in front you wit one good heart.

1 Records 16:25

Cuz Da One In Charge real importan. Az good, wen peopo tell good stuff bout him! Stay sked a him Mo den you sked a all da odda gods.

2 Records 2:5

“Da temple I goin build goin be big an importan, cuz oua God stay mo importan den all da odda gods.

Songs 135:5

Me, I know dis: Da One In Charge, He awesome! Oua Boss guy, he mo awesome Den all da odda gods!

Songs 145:3

Da One In Charge, he da One! Real good fo tell good tings bout him! He real big, no can figga out Eryting bout him!

Songs 44:1

Eh God! Us guys wen hear da stories Dat oua ancesta guys wen tell Bout all da tings you wen do befo time. Dass was long time befo time Wen dey stay alive.

Songs 48:1

Da One In Charge, he da greates! Real good fo erybody Tell he da greates Ova dea inside God town, On top da hill dat stay spesho fo him!

Songs 86:10

Cuz you, you real big An you do awesome kine tings. You, you da ony one Dass God fo real kine!

Songs 86:8

You my Boss! No mo one mo God like you, From all da gods Dat da odda peopos pray to! No mo one mo god like you, Dat do da kine tings you do.

Songs 89:6

Da One In Charge, no mo nobody Inside da sky dat stay like you! Even from da good spirits inside da sky, No mo nobody stay like you.

Songs 89:8

Eh! You Da One In Charge, You da God Ova All Da Armies. No mo anodda god Dass strong jalike you! Erybody know fo trus you bout eryting Cuz you erytime do Wat you tell you goin do.

Songs 96:4

Cuz Da One In Charge, he big! Good fo erybody tell Good tings bout him! You gotta get respeck fo him, Mo den fo all da odda gods!

Outa Egypt 10:2

An I stay do um fo you tell da Pharaoh story ova an ova fo yoa kids an yoa grankids bumbye—how I even make any kine to da Egypt peopo, an do all da awesome tings I wen do in front dem fo show dem who me. From all dat, you guys goin know fo shua dat me Da One In Charge.”

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Outa Egypt 8:10

Da Pharaoh tell, “From tomorra.” Moses tell, “Goin happen jalike you tell. Dass fo make you know dat no mo nobody jalike Da One In Charge, oua God!

Outa Egypt 8:6

So Aaron put out his hand ova all da watta inside Egypt. Da frogs come up. Dey cova all da groun inside Egypt.

Outa Egypt 9:14

Fo dis time, I goin make mo big kine trouble fo yoa body, fo you, fo yoa palace peopo, an fo yoa odda peopo. Cuz a all dis, you goin know dat in all da world, no mo nobody can do wat I can do.

Isaiah 40:18

“If you guys like tell, ‘God, he jalike one guy,’ Den, who dat guy?! No moa! If you goin tell he look jalike someting, Den, wat da ting you guys tink he look jalike, Fo you look at him an da ting, togedda?! No moa!

Isaiah 40:25

“Da Good An Spesho God tell dis: ‘If you guys like tell, “God, he jalike one guy,” Den, who da guy Dat you tink I jalike him?! No moa!’ Az wat da Spesho One tell.

Isaiah 45:18

Az cuz Da One In Charge get dis spesho message, Da One dat wen make da sky, Da One dass God fo real kine! He da One wen plan an make da world. He make um solid. He neva make um so no mo notting dea. He make um fo peopo live dea. Dis wat Da One In Charge tell: “Me, Da One In Charge. No mo anodda one like me!

Isaiah 45:22

“All you peopo from da mos far places all ova da world, Turn aroun an come by me Fo me get you guys outa trouble, Cuz I God. No mo anodda god, ony me.

Isaiah 45:5

Me, Da One In Charge! No mo anodda One. No mo anodda God, ony me. I goin make you come strong, Cyrus, Ready fo fight, No matta you donno who me.

Ezekiel 36:22

“Az why you gotta tell da Israel ohana peopo dis: Dis wat Da One In Charge, da Boss, tell: I goin do all dis stuff, but not fo you Israel guys! But cuz a who me! I stay spesho, but you guys give me one bad rep wit da odda nations wea you guys wen go.

Ezekiel 36:32

Me, Da One In Charge, da Boss, jalike you guys know dat all dis good kine stuff I do, not fo you guys. I do um fo me! All you Israel ohana guys gotta come shame an lose face cuz a da way you guys live!

Daniel 2:45

Dass wat da big rock you wen see mean. But nobody wen broke dat rock outa da mountain—da rock dat broke da iron, da bronze, da clay, da silva, an da gold, in small piece. “Da mos importan God wen let you, da king, know wat goin happen bumbye. Da dream stay true, an you can trus wat I tell you bout da dream.”

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

Rules Secon Time 3:24

‘You Da One In Charge! You da Boss, an I yoa worka guy. You wen start fo show me how big an how strong you stay. No mo any odda god inside da sky o on top da earth dat can do stuff jalike da awesome kine tings you do.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Rules Secon Time 4:35

“Da One In Charge wen show you guys all dese tings fo you guys know dat Da One In Charge, he da God fo real kine! No mo any odda God, ony him!

Rules Secon Time 4:39

“Today you gotta know dis, an tink bout um plenny—dat Da One In Charge, da God inside da sky up dea, an he da God fo da earth down hea too! No mo anodda God!

1 Samuel 2:2

“No mo anodda god dat mo awesome an spesho den you, Da One In Charge! You da One, da ony One! You oua God, an you stay solid, jalike da bigges rock! No mo any odda god dat stay solid jalike you!