2 Samuel 7:11 - Hawaii Pidgin Bible

¹¹ Dat was da time wen I pick local leada guys fo dem. An now, I goin let you res from all da guys dat stay agains you. “ ‘Me, Da One In Charge, an I stay tell you dat I da One goin make yoa blood line stay king foeva.

2 Samuel 7:11 ပူးပေါင်းရင်းမြစ်များ

2 Samuel 7:1

Den King David start fo live inside his palace. Da One In Charge let him res fo him no need fight da guys dat stay agains him. Dose guys live all aroun him.

2 Samuel 7:19

You da One In Charge a me! All dis, fo shua not one big deal da way you see um! Cuz you even stay talk bout wat goin happen to my ohana long time afta now. I yoa worka guy, an you da One In Charge a me! Dis how you make to odda peopo erytime, o wat?!

2 Samuel 7:27

“You Da One In Charge, da God Ova All Da Armies! You da God fo da Israel peopo! You wen let me, yoa worka guy, hear all dis secret stuff. You tell me, ‘I goin make yoa ohana strong, jalike I build one house fo you.’ So I yoa worka guy, an az why I no sked fo pray lidis to you.

1 Kings 11:38

An if you lissen an do eryting I tell you you gotta do, an if you do um my way, an do wat I tell stay right, an if you stay do da tings I tell you fo do, an follow my rules, jalike my worka guy David wen do, den I goin stick tight wit you. I goin make da ohana dat goin come from you stay solid, jalike I build one strong house fo you. Goin be solid jalike da David ohana stay solid. An I goin give you da Israel land.

1 Kings 2:24

Fo shua Da One In Charge stay alive, an he da One make me strong, an make me sit down on top da same throne jalike my faddah David. An I stay shua dat he wen make me one promise dat da Kings fo da Israel peopo goin come from my blood. An cuz I stay shua bout all dat, I know, Adonijah goin mahke today!”

1 Records 17:10

No matta wat dose peopo stay do from da time I wen pick da local leada guys fo my Israel peopo. An I wen win ova all da guys dat stay agains you. “I promise you dat me, Da One In Charge, I goin make shua da guys dat come from you goin come da king guys afta you mahke.

1 Records 22:10

He da one goin build one temple fo peopo know wat kine god me. He goin come my boy, an I goin come his faddah. An I goin make shua some a da ones from his blood line goin be king ova da Israel peopo foeva.’

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Songs 106:42

Da peopo dat stay agains da Israel peopo put plenny presha on dem, Az why da peopo dat stay agains da Israel peopo Make to dem jalike dey notting.

Songs 127:1

Poho da builda guys build one house, An Da One In Charge Not da one dat build um. Poho da security guard, Dat guard da town, An Da One In Charge Not da one dat watch um.

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Outa Egypt 1:21

An cuz da helpa wahines mo sked a God den dey sked a da king, God give dem kids fo dem start dea ohana too.

Smart Guys 14:1

Da kine wahine dat know wat fo do, She make shua da ohana inside her house stay solid. Da stupid head kine wahine dat tink she know eryting, Her da one jam up her ohana.

Hebrews 11:33

All dem guys wen trus God. Dass how dey wen fight an win agains da odda kings an dea countries. Dey do wass right fo help da peopo. Dey get da stuff dat God wen promise dem. Dey fight an win agains lions.

1 Samuel 2:35

Den I goin pick one a my guys dat I trus. He goin do da kine stuff dat I like, an he goin do um my way. I goin make his ohana strong, an I goin trus um fo do da pries kine work fo da ones I goin pick fo be da king, foeva.

1 Samuel 25:28

I stay real sorry if I wen bum you out. Try let me go fo dat?! Cuz fo shua, Da One In Charge goin make da peopo dat goin come from you stay strong an solid cuz you fight fo him. You no do notting wrong, all da time you stay alive.