2 Samuel 5:20 - Hawaii Pidgin Bible

²⁰ So David dem go Baal-Perazim side, an he win ova da Filisha guys. He tell, “Jalike wen da watta broke thru one dam, Da One In Charge broke thru agains da guys dat stay agains me.” Dass why David call dat place “Baal-Perazim” an still yet dat place get dat name. Dat mean “Da Boss Dat Broke Thru.”

2 Samuel 5:20 ပူးပေါင်းရင်းမြစ်များ

2 Samuel 19:9

All ova da Israel ohanas, all da peopo make argue wit each odda. Dey tell, “King David wen get us guys outa da powa a da peopo dat stay agains us. He da one wen get us guys outa da powa a da Filisha guys. But now, he gotta run away from oua country awready cuz a Absalom.

1 Records 14:11

So David an his guys go up by Baal-Perazim, an ova dea he win ova da Filisha guys. He tell, “God use me fo bus up da guys dat stay agains me, jalike wen da big watta broke out!” So dey call dat place Baal-Perazim, cuz dat mean “Da Boss broke out.”

Songs 60:1

Bummahs, God! You no give a rip fo us, o wat?! You wen dump all us guys! You wen let da odda army guys Smash thru oua line! You wen stay huhu wit us! Now, we like you make us Come okay one mo time!

Isaiah 28:21

Da One In Charge goin start fo do tings fo you guys, Jalike da time da Israel peopo wen fight da Filisha guys, Mount Perazim side. Da One In Charge Goin come real huhu an bus up peopo, Jalike da time dey wen fight da Amor peopo, Gibeon Valley. He goin do watevas he like do, No matta wat he stay do Goin make da peopo drop dea jaws, No matta nobody wen see him make lidat befo time.

Habakkuk 3:13

Dat time you wen come fo get yoa peopo outa trouble. You wen help da Israel nation dat you wen pick. You wen wack da leada fo da peopo dat do real bad kine stuff. Can see eryting From his head to his feets. (Time out fo da music.)