2 Samuel 5:18 - Hawaii Pidgin Bible

¹⁸ Da Filisha guys come up da Refaim Valley. Dey put dea army guys all ova da valley.

2 Samuel 5:18 ပူးပေါင်းရင်းမြစ်များ

Start 14:5

So, da nex year, numba 14, Kedorlaomer an da three king guys dat stay tight wit him, dey all go ova da Siddim Valley wit dea army guys fo make war wit da Sodom guys dat no like pay notting to dem. Befo Kedorlaomer guys get dea, dey all go Ashterot-Karnaim side an make war wit da Refa peopo. Den dey go Ham side an make war wit da Zuz peopo. Den dey go Shaveh-Kiriathaim side an make war wit da Em peopo.

2 Samuel 23:13

One year wen almos time fo harves food, David guys stay inside da cave nea Adullam town. Some Filisha army guys make camp inside Refaim Valley. Da Big Three army guys from da thirty top army guys go down dea by David.

2 Samuel 5:22

One mo time da Filisha guys come nea Jerusalem an put dea guys all ova inside da Refaim Valley.

1 Records 11:15

Anodda time, da Big Three army guys from da thirty leada guys go down wea David stay, wea get one cliff nea da Adullam cave. Az da same time da Filisha guys make camp inside da Refaim Valley.

Isaiah 17:5

Goin be jalike Refaim Valley Right afta da guys harves da wheat ova dea. Dey harves da wheat, An take away plenny inside dea arm. Den da Israel ohana goin be Jalike wen some odda guy come layta, Cut wateva da firs guys neva take wit dem, An dey pick up ony litto bit.

Joshua 15:8

Den from da edge a da Judah land go up da Ben Hinnom Valley, da south side a da hill dat get Jerusalem on top side, da main town fo da Jebus peopo. Den go da top a da hill dat make da west side a da Hinnom Valley, by da north end a da Refaim Valley.

Joshua 17:15

Joshua tell dem, “Fo shua you guys get choke plenny peopo, an da up country Efraim land too small fo you guys. You gotta go up inside da fores wea get plenny trees, an cut um fo clear um up fo make farm land, ova dea inside da land wea da Periz an Refa peopo live.”

Joshua 18:16

Benjamin land go down by da bottom a da hill in front da Ben Hinnom Valley, den go north side a da Refaim Valley. Den go down da Hinnom Valley by da hill dat get Jebus town on top. Den go En-Rogel.