2 Samuel 5:12 - Hawaii Pidgin Bible

¹² Den David know fo shua, dat Da One In Charge make him solid, fo be da king ova da Israel peopo, an fo make da land wea David da king come real importan. Da One In Charge do all dat fo help his peopo, da Israel peopo.

2 Samuel 5:12 ပူးပေါင်းရင်းမြစ်များ

2 Samuel 5:11

Same time, Hiram, da king fo Tyre, sen messenja guys by David, an cedar wood, an carpinta guys, an guys dat know how fo build stone wall. Dey build one palace fo David.

2 Samuel 5:13

Afta David go way from Hebron, he take mo Jerusalem wahines fo come his regula kine wifes an odda kine wifes, an he born mo plenny boys an girls.

2 Samuel 7:16

Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”

1 Kings 10:9

I like tell yoa God, Da One In Charge, ‘Mahalo!’ cuz he da One stay do good tings fo you. Fo shua, he feel good inside wen he tink bout you! Az why he wen make you da king fo da Israel peopo. An cuz Da One In Charge get love an aloha fo da Israel peopo foeva, he make you dea king, so you judge dem da right way an do da right tings fo dem.”

1 Records 14:2

Dass how David know fo shua dat Da One In Charge wen make him come solid fo be king fo da Israel peopo, an wen make his country get plenny respeck. An he know Da One In Charge do all dat cuz he get love an aloha fo his peopo, da Israel peopo.

2 Records 2:11

King Hiram sen messenjas back wit dis letta fo King Solomon: “Da One In Charge get plenny love an aloha fo his peopo. Az why he wen make you come dea king!”

Esther 4:14

But if you no tell notting dis time, some odda ting goin happen fo get da Jew guys outa dis anodda way. But you an yoa faddah ohana goin all mahke. Nobody know dis fo shua, but maybe az why you wen come inside da king ohana, jus fo dis one ting.”

Daniel 2:30

An was to me dat God wen show da secret awready fo wat da dream mean. He no do dis cuz I mo smart den any odda guy dat stay alive. He do dis fo you, da king, know wat da dream mean. Den you can undastan wat you wen see inside yoa head.

Census 24:7

Da watta goin spill ova from dea buckets. Da peopo dat goin come from dem Goin get plenny watta. “Dea king goin be mo awesome den Agag. His peopo goin come real importan.