2 Samuel 4:12 - Hawaii Pidgin Bible

¹² So David tell his army guys fo kill dem, an dey kill um. Dey cut off dea hands an feets an hang up dea bodies by da watta place Hebron side. But dey take Ish-Boshet head an bury um inside Abner tomb Hebron side.

2 Samuel 4:12 ပူးပေါင်းရင်းမြစ်များ

2 Samuel 1:15

Den David tell um, “You da guy fo get da blame! Wat you tell, no good fo you, cuz you awready tell me dat you da guy wen kill da king dat God wen pick!” So David tell one a his young army guys fo come. He tell um, “Go kill dis guy!” So David guy kill da Amalek guy.

2 Samuel 16:8

Now, Da One In Charge stay pay you back, cuz a all da Saul ohana guys you wen kill! You wen take ova his place fo come king! Awready Da One In Charge give yoa peopo to yoa boy Absalom fo come king ova dem! Cuz you wen kill plenny peopo, I like eryting come bad fo you!”

2 Samuel 2:8

Same time, Abner, Ner boy, da general fo Saul army, take Saul boy Ish-Boshet, an bring him Mahanaim side, da east side a da Jordan Riva.

2 Samuel 21:9

He turn um ova to da Gibeon guys. An dey kill dem an make da mahke bodies lay outside on top one hill in front Da One In Charge. All seven a dose guys wen mahke same time wen get da firs days fo harves da barley.

2 Samuel 3:32

David guys bury Abner Hebron side, an da king cry loud in front Abner tomb. An all da peopo cry too.

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Matthew 7:2

Da way you guys judge da odda guys, dass how God goin judge you guys too. An da rules you guys use fo judge, he goin use da same rules fo judge you guys too.