2 Samuel 4:11 - Hawaii Pidgin Bible

¹¹ Now, I gotta do even moa! Cuz some bad peopo wen go kill one guy dat neva do notting wrong, inside his house an on top his bed. Now, fo shua, I goin pay back you guys fo murda Ish-Boshet! I goin wipe out you guys from dis world!”

2 Samuel 4:11 ပူးပေါင်းရင်းမြစ်များ

Start 4:11

Az why I wen put kahuna on top you awready so da land no can grow stuff. But you, I goin make shua dat you no can even work da groun no moa! Dat groun, jalike da mout open fo soak up da blood from yoa braddah wen you murda him.

Start 6:13

God tell Noah, “I look all da peopo in front me. All ova da world, dey ony figga how fo bus up each odda. But me, you know wat I goin do? I goin wipe um all out big time!

Start 7:23

Afta, neva have notting dat live on top da groun. Neva have peopo, o animals dat live wit peopo, o tings dat crawl on top da groun, o birds dat fly inside da sky. God wipe um all out. Noah, he da ony guy dat stay alive, him an da odda peopo dat stay wit him inside da big boat.

2 Samuel 16:8

Now, Da One In Charge stay pay you back, cuz a all da Saul ohana guys you wen kill! You wen take ova his place fo come king! Awready Da One In Charge give yoa peopo to yoa boy Absalom fo come king ova dem! Cuz you wen kill plenny peopo, I like eryting come bad fo you!”

2 Samuel 3:27

Wen Abner come back Hebron side, Joab take him inside one small security guard room by da gate. He make jalike he like talk to Abner, jus dem two inside one quiet place. But fo pay back Abner fo kill Joab braddah Asahel, Joab stab Abner in da belly, an he mahke.

2 Samuel 3:39

An today, no matta God wen pick me fo come da king, I no like bus up peopo. But dis Joab an Abishai, Zeruiah boys, dey mo tough den me. I like Da One In Charge do someting bad, fo pay back da one wen do dis bad ting, cuz da guy wen kill Abner.”

1 Kings 2:32

Cuz Joab wen make peopo bleed an mahke, now Da One In Charge pay back Joab. Joab wen go attack an kill two guys, an my faddah neva know wat Joab do till afta. One guy Abner, Ner boy, da general fo da Israel army, an da odda, Amasa, Jeter boy, da general fo da Judah army. Dey mo betta guys den Joab, an dey stay do da right ting mo den Joab.

Songs 109:15

Da bad kine tings His ancesta guys wen do, Da One In Charge, make shua You no foget dat, An make shua nobody inside dis world Rememba who dem.

Songs 9:12

Wen peopo dat suffa but no can do notting Yell to Da One In Charge fo help, He lissen, an he no foget. Dass why he go afta da ones dat kill his peopo.

Outa Egypt 21:12

Anybody wack one guy, an da guy mahke, da one dat kill um gotta mahke too.

Outa Egypt 9:15

If I wen like befo now, I can use my powa fo make you an yoa peopo come sick, an wipe out all you Egypt guys from dis world. But I neva.

Smart Guys 2:22

But da peopo dat no stay do wass right, Dey goin get wipe out so dat no mo dem on top da land. Da peopo dat you no can trus, God goin hemo dem from dea.”

Smart Guys 25:26

Wen get one guy dat do da right ting erytime, An one bad guy push him aroun, Az jalike wen one watta spring Fill up wit mud o opala.

Jeremiah 10:11

Da One In Charge tell, “Tell dose peopos dis: ‘Dese idol kine gods, dat neva make da sky o da earth, dey goin come all wipe out from da earth an unda da sky.’ ”

Habakkuk 1:12

You, Da One In Charge! You my God! You stay alive from befo time An you no goin mahke! You my God dat stay good an spesho. You Da One In Charge! You wen pick da Babylon guys fo pay us back. You strong, jalike one cliff. You wen pick dem fo punish us guys!

Habakkuk 1:4

Az why da Rules come all jam up, An da judge guys make shua da guys Dat do wass right no win. Da bad kine peopo no let da good kine peopo Do wat dey suppose to do. Da bad guys make da right way come all kapakahi.”

1 John 3:12

Tink bout da Cain story inside da Bible from befo time. No make jalike Cain. He wen stay tight wit da Bad Guy, Satan, an he kill his braddah Abel. How come he wen kill Abel? Cuz Cain stay do bad kine tings, an his braddah stay do da right kine tings.