2 Samuel 3:3 - Hawaii Pidgin Bible

³ Numba Two, Kileab, his muddah Abigail, Nabal widow from Carmel. Numba Three, Absalom, his muddah Maakah, an her faddah Talmai, da king fo Geshur nea Syria.

2 Samuel 3:3 ပူးပေါင်းရင်းမြစ်များ

2 Samuel 13:1

King David boy Absalom get one real good looking sistah name Tamar. One time, anodda one a David boys, Tamar half braddah Amnon, get da hots fo Tamar.

2 Samuel 14:23

So den, Joab go Geshur side an bring um back Jerusalem side.

2 Samuel 14:24

But da king tell, “Dat one gotta go his place, an no can come in front me!” Az why Absalom go his place, an no go in front da king.

2 Samuel 14:32

Absalom tell Joab, “You know wat?! I wen sen guys fo tell you, ‘Go come hea fo me sen you by da king fo aks how come I wen come ova hea from Geshur. Cuz mo betta fo me if I wen stay Geshur side!’ Now, I like go in front da king. If I get da blame fo someting, let um kill me!”

2 Samuel 15:7

Afta four year, Absalom tell da king, “Let me go Hebron side fo do one ting dea fo Da One In Charge. I wen make one strong promise to him fo do um.

2 Samuel 15:8

Da time I, yoa worka guy, wen live Geshur town, Aram side, I wen make dis strong promise: ‘Da One In Charge, if you take me back fo live Jerusalem side, I goin go down in front you an show you respeck Hebron side.’ ”

2 Samuel 18:33

Da king come all bum out, cuz den he know Absalom mahke. He go up inside da room ova da town gate an cry plenny. Wen he stay going, he tell, “Bummahs! My boy, Absalom! My boy, my boy, Absalom! Mo betta I wen mahke, an not you! Bummahs! My boy, my boy, Absalom!”

2 Samuel 2:2

So David go ova dea wit his two wifes, Ahinoam from Jezreel an Abigail, Nabal da Carmel guy widow.

1 Kings 1:6

From small kid time, weneva Adonijah do bad kine stuff, dat no bodda King David. King David neva aks “How come you stay do dat?!” Cuz David neva like make his boy feel bad. Adonijah one real good looking guy too. He da nex boy dat was born afta Absalom.

1 Kings 2:15

Adonijah tell: “You know, was me suppose to come da King. All da Israel peopo wen tink me da one fo be dea leada. But da whole ting wen turn aroun, an now my braddah come da King, cuz Da One In Charge wen give him da right, not me.

1 Records 3:1

Dese David boys dat wen born fo him inside Hebron: Da firs boy fo born was Amnon, Ahinoam boy, az Ahinoam from Jezreel. Da boy numba two was Daniel, Abigail boy. Abigail from Carmel.

1 Records 3:2

Da boy numba three was Absalom, Maakah boy. Maakah was Talmai girl, az Talmai da king fo Geshur. Da boy numba four was Adonijah, Haggit boy.

Rules Secon Time 3:14

Jair from da Manasseh ohana take ova da land inside Argob, all da way to wea da Geshur peopo an da Maakah peopo stay. Today da peopo still yet call Bashan ‘Jair Towns’.)

Joshua 13:13

But da Israel peopo neva push out da Geshur peopo o da Maakah peopo, az why dey still yet live dea wit da Israel peopo today.

1 Samuel 25:42

Right den an dea, Abigail make ready fo go. She take five helpa girls go wit her. She ride one donkey, an go wit da messenja guys from David. Den she come his wife.

1 Samuel 27:8

Dat time, David an his guys stay attack an rip off stuff from da Geshur peopo, da Girza peopo, an da Amalek peopo. (From long time dose peopo live inside da small towns, inside da land wea you come nea Shur town, an nea da road dat go Egypt side.)