2 Samuel 24:16 - Hawaii Pidgin Bible

¹⁶ But wen da killa angel stay ready fo wipe out Jerusalem, Da One In Charge pity da Jerusalem peopo an change his mind cuz he awready punish da Israel peopo plenny. He tell da angel guy dat stay kill da peopo, “Nuff awready! No kill no moa!” Da angel dat Da One In Charge wen sen stay right den an dea by da open place wea Araunah from Jebus split da junk kine stuff from da wheat.

2 Samuel 24:16 ပူးပေါင်းရင်းမြစ်များ

Start 10:16

Had da Jebus peopo dat come from Canaan too, an da Amor peopo, da Girgash peopo,

Start 6:6

Da One In Charge, he tink, “Bummahs! Mo betta I neva make dose peopo dea inside da world!” He stay sad inside cuz a dat.

2 Samuel 24:18

Dat day Gad go by David an tell um, “Go up dea! Build one altar! Make one sacrifice fo Da One In Charge on top da open place wea Araunah da guy from Jebus split da junks from da wheat an da barley.”

2 Samuel 5:8

(Dis how he do um: Dat day, wen dey take ova da town, David tell his guys befo dey start, “Da guy dat goin win ova da Jebus peopo, gotta go thru da tunnel wea da watta go inside da ridge. Den he can wack da guard guys, da ones da Jebus peopo call ‘da guys dat no can walk an da guys dat no can see’ fo make fun a us guys! I hate dem guys!” Laytas, peopo stay tell, “Da guys dat no can see an da guys dat no can walk no can go inside da palace,” cuz dey tink bout wat da Jebus peopo wen tell David, dat time.)

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

2 Kings 19:35

Dat same day, nite time, one angel messenja guy from Da One In Charge go out inside da Assyria army camp. He kill 185,000 guys inside dea. Wen da Assyria guys dat no mahke get up da nex morning, get all da mahke bodies all ova da place!

1 Records 1:14

He da faddah fo da Jebus peopo, da Amor peopo, da Girgash peopo,

2 Records 3:1

Den Solomon start fo build da Temple Fo Da One In Charge inside Jerusalem on top Mount Moriah. Dass da same place wea Da One In Charge wen let Solomon faddah David see um befo time. Az was da same open place wea Araunah da Jebus guy split da wheat from da junk kine stuff, da place wea David wen make ready fo build da temple ova dea.

2 Records 32:21

Az why Da One In Charge sen one angel messenja guy. He wipe out all da Assyria army guys, da officer guys, an da army leada guys inside da camp fo da Assyria king. Az why Sennakerib go back his land an lose face an come plenny shame. An wen he go inside da temple fo his god, some a his boys kill him dea wit dea swords.

Songs 135:14

Cuz you Da One In Charge, You da Judge! An you goin make shua erybody know, Dat yoa peopo do wass right. You goin show pity Fo da peopo dat work fo you.

Songs 35:6

I like da angel guy From Da One In Charge Chase dem guys, An make dea roads Come dark an slippery.

Songs 78:38

But God, he get pity fo dem, Az why he wen let da peopo go Fo da wrong tings dey wen do, An why he neva wipe dem out. Ova an ova, God wen hold back Da way he feel bout dose peopo, An he neva bus um up, No matta he stay huhu wit dem.

Songs 90:13

Eh You In Charge! So, how long you goin stay huhu Wit us guys? Try change yoa mind an show pity Fo us guys dat work fo you!

Outa Egypt 12:13

“Da blood dat you guys put on top da houses wea you live, dat goin be jalike one sign fo show dat you guys live inside dea. Wen I see da blood, I goin pass ova you guys. Dat mean, wen I wack peopo all ova da Egypt land, no mo notting goin touch you guys an wipe you out.

Outa Egypt 12:23

“Den, wen Da One In Charge go all ova Egypt fo kill dea numba one boy an dea numba one man an animal, he goin see da blood ova da door an on top da two side wood. Den Da One In Charge goin pass ova dat door. He no goin let da Killa Angel Guy go inside fo wipe out da peopo inside da house.

Outa Egypt 32:14

So Da One In Charge change his mind bout da bad tings he plan fo do to his peopo, da Israel peopo, an he no do um.

Outa Egypt 9:28

Tell Da One In Charge fo no make um hail, cuz enuff awready da thunda from God an da hail. I goin let you guys go way. You guys no need stay hea awready.”

Isaiah 27:8

God, presha da Israel peopo, But ony litto bit, wen you make dem go way from dea land. You make da Israel peopo go away Jalike wit one strong wind from da east side.

Isaiah 57:16

Cuz no goin be foeva, Dat I poin finga peopo an stay huhu. Az cuz if I wen stay lidat, Den peopo spirits wen come weak wen dey see me— No matta me da One wen make dem breave.

Jeremiah 26:19

You tink Hezekiah da Judah king an his peopo wen kill Micah cuz he talk lidat?! No ways! Dey no do bad kine stuff. Dey show choke respeck fo Da One In Charge. Dey beg Da One In Charge fo give chance. Cuz a dis, Da One In Charge no do wat he was goin do befo time. He no put da bad kine stuff on top dem dat he wen tell befo time he goin do. But wat goin happen to us guys if we kill dis guy Jeremiah!”

Jeremiah 42:10

‘If you guys stay hea inside dis land, I goin build you guys up. I no goin bus you guys up. I goin make you guys come solid jalike one tree in da groun. I no goin pull you guys out cuz I get pity fo you guys fo da bad kine stuff I wen make happen to you guys.

Amos 7:3

“So Da One In Charge change his mind bout da grasshoppas. He tell, ‘Da ting you see now no goin happen.’ ”

Amos 7:6

“So Da One In Charge a me, he change his mind bout da fire. He tell, ‘Jalike da firs time, wat you see, no goin happen.’ ”

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!

Zekariah 9:7

I goin make um no eat meat wit da blood still inside um, An no eat da meat from da sacrifices dey kill fo dea gods. Da Filisha peopo dat still yet stay alive, God goin own dem. Dey goin come jalike one a da small Judah ohanas. Da Ekron peopo goin come togedda wit my peopo, Jalike da Jebus peopo wen come togedda wit dem.

Mark 14:41

He come back one mo time, an tell um, “So, wat? You guys still stay sleeping an ressing?! Nuff awready. Time awready! I da Fo Real Kine Guy, an now dey goin set me up fo da bad guys grab me.

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.

1 Corint 10:10

No good us grumble. Some a da peopo wen grumble ova an ova, an da Killa Angel Guy wen wipe um out.

2 Corint 2:6

Mos a you guys wen punish him enuff awready wen you tell da guy he wen do wass wrong. Dat wen make um come sorry awready.

Joshua 15:63

Da Judah ohana no can push out da Jebus peopo dat live inside Jerusalem, an dey still yet stay dea today wit da Judah peopo.

Local Leadas 1:21

But da Benjamin ohana no can win ova da Jebus peopo dat stay live inside Jerusalem. Still yet today da Jebus peopo live ova dea wit da Benjamin ohana.

Local Leadas 19:11

Wen dey come nea Jebus, an da day almos pau, da worka guy tell his boss, “Go come, we go inside dis Jebus peopo big town, an sleep hea tonite.”

1 Samuel 15:11

“I stay sorry dat I wen make Saul come da king, cuz he make deaf ear an he no stay tight wit me no moa, an he no do no mo all da stuff I wen tell him fo do.” Wat Da One In Charge tell, bodda Samuel so plenny dat he pray all nite to Da One In Charge fo help.