2 Samuel 23:6 - Hawaii Pidgin Bible

⁶ But da good fo notting peopo, God goin throw dem all out. Dey jalike one bush wit thorns— Nobody goin grab um fo help um.

2 Samuel 23:6 ပူးပေါင်းရင်းမြစ်များ

Start 3:18

Wen you plant seed, da land goin grow weeds an thorns fo you too. Still yet, you goin eat da kine food dat grow inside da fields.

2 Samuel 20:1

An right dea Gilgal side, had one good fo notting buggah. His name Sheba, Bikri boy, from da Benjamin ohana. He go blow da sheep horn trumpet fo call da peopo togedda, an he yell, “Eh, you Israel guys! Go home! Oua land, not part a David land! Us no goin get notting from David, Jesse boy!”

Love Song 2:2

Honey Girl, Wen she stay wit da odda wahines, She jalike da lily flowa dat grow Wit thorn bushes dat grow all aroun her.

Isaiah 27:4

I no stay huhu wit my peopo no moa. If get peopo dat ack jalike Thorns an stickas Dat come up inside one grape farm, I goin attack um an burn um all up!

Isaiah 33:12

Da diffren peopos goin burn Jalike wen you pile up coral rock an wood An burn um slow fo make lime fo plasta. An jalike wen you cut down plenny thorn bush An dey burn real fas.

Ezekiel 2:6

“An you, Fo Real Kine Guy. No sked dem, no sked wat dey tell. No sked, no matta da peopo all aroun you stay jalike thorns an stickas, an stay jalike scorpions undaneat you. No sked dem. Neva mind wat dey tell, an no matta dea whole ohana go agains me.

Micah 7:4

Even da bestes kine guy dea, He jalike one bush wit thorns all ova um. Da guy wit dem dat do da mos right kine stuff, He still mo worse den one plant wit thorns! “Dis, da time yoa guys dat watch fo messages from God Wen talk bout awready. Az time awready fo God punish you guys. Now erybody stay all mix up.

Nahum 1:10

Jalike he goin make dem come All jam up inside da thorn bushes. Dey goin come piloot from drink dea wine. Dey goin come burn up jalike da dry junks from da wheat.

Matthew 13:41

I da Fo Real Kine Guy, you know, an I goin sen my angel guys all ova da place wea I stay King, fo pull out all da guys dat broke da Rules From God an dat tell da odda guys fo broke da Rules too.

Rules Secon Time 13:13

get some no good guys from yoa peopo, dat stay try turn da peopo from dat town away from Da One In Charge to odda gods. Dey tell, “Us go down in front odda gods an show respeck fo dem.” But you guys neva know dose gods befo time.

1 Samuel 2:12

Eli boys, cuz dey no mo respeck fo Da One In Charge, dey pilau kine guys an dey do bad kine stuff.

1 Samuel 25:17

Now, tink bout all dis, an figga out wat fo do, cuz David guys stay ready fo do someting real bad to oua boss an all his ohana peopo, an all us worka guys too. You know Nabal, aah? He da kine guy dass ony bad, so no mo nobody can talk to him.”