2 Samuel 23:14 - Hawaii Pidgin Bible

¹⁴ Dat time David stay one strong place wea da Filisha guys no can come nea him. Same time, some odda Filisha army guys put up dea camp Betlehem town.

2 Samuel 23:14 ပူးပေါင်းရင်းမြစ်များ

Start 35:19

Rachel mahke an dey bury her nea da road dat go by Efratah town, dass Betlehem.

2 Samuel 5:17

Wen da Filisha guys hear dat da Israel peopo wen pour olive oil on top David head fo make him dea king, all da Filisha army guys go up country Israel side fo go look fo David fo go kill um. But David hear bout um, an he go outa Jerusalem, down inside da boonies, wea he get one strong place wea nobody can go inside.

1 Records 12:16

Had odda Benjamin guys an some guys from Judah come by David too, inside da strong place wea Absalom no can attack him.

1 Samuel 10:5

“Afta dat you goin go by Gibeah, God place. Get some Filisha army guys camp dea too. Wen you go nea da town, you goin meet some guys dat talk fo God dat stay come down from da sacrifice place on top da hill. Dey stay wit some odda guys dat stay play small harps, tammorines, flutes, an bass harps in front dem. An da talka guys goin stay talk fo God.

1 Samuel 13:23

Had some Filisha army guys wen go make camp by da pass ova da hills Mikmash side.

1 Samuel 13:4

So all da Israel peopo wen hear dis: “Saul wen attack da Filisha army camp, an now da Filisha guys hate us Israel guys even moa!” So Saul call his army guys fo come togedda wit him Gilgal side.

1 Samuel 14:6

Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”

1 Samuel 22:1

So David get outa Gat town, an go inside one big cave nea Adullam town. Wen his braddahs an all his faddah ohana guys find out wat wen happen, dey go down ova dea by him.

1 Samuel 24:22

Az why David make da strong promise to Saul. Den Saul go back his place, but David an his guys go back up inside da strong place fo hide wea nobody can hurt dem.