2 Samuel 23:1 - Hawaii Pidgin Bible

¹ Dis da las poem David wen make fo da peopo: “Dis da message fo my peopo from me, King David. My faddah, Jesse. Dis da message from me, Da guy dat God wen make importan, Da one God wen tell Samuel put oil on top my head Fo show God wen pick me. Az da same God Jacob wen pray to, you know! Dis da guy dat make sweet songs Fo da Israel peopo.

2 Samuel 23:1 ပူးပေါင်းရင်းမြစ်များ

Start 49:1

Laytas, Jacob tell all his boys fo come by him. He tell: “Go come togedda aroun me. I goin tell you guys wat goin happen to you Afta I mahke.

2 Samuel 22:34

God make me fo run an no fall down, Jalike one deer dat run fas ova da big mountains,

2 Samuel 22:51

“Me, da king dat stay work fo you, You make me win all da wars. You wen put olive oil on top my head Fo show dat you wen pick me fo come king. Dass why you goin stay tight wit me all da time, foeva Wit me, King David, An wit all da king guys dat bumbye goin come from me!”

1 Records 16:7

Dat time, David give Asaf an his helpa guys da job fo tell Da One In Charge “Mahalo!” lidis:

1 Records 16:9

Sing fo show respeck fo him! Make music fo him! Sing fo tell bout da awesome kine tings he do!

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

Songs 72:20

Dass da las prayer in dis book A prayers from Jesse boy King David.

Songs 89:20

I wen go find David, An he work fo me. I wen put da oil dat stay spesho fo me On top his head, Fo show I wen pick him.

Songs 89:21

Wit da powa I get I goin make him stay solid An make him stay strong.

Amos 6:5

You guys pick up da harp fo jam An make new kine songs— An you tink, ‘I can make da music Same same jalike King David!’

Luke 20:42

Cuz David, he tell dis inside da Songs Fo God Book: “ ‘Da One In Charge Up Dea Inside Da Sky, He tell Da One In Charge a me, “Go come ova hea, sit down! Dis da importan place by my right side.

Luke 24:44

He tell um, “All dis happen jalike I wen tell you guys wen I stay wit you. Eryting Moses wen write inside da Rules, an eryting da odda guys dat wen talk fo God wen write down, an eryting dat get inside da Songs Fo God—all da stuff dat stay from befo time inside da Bible, all dat, talk bout me! An eryting dey wen write, goin happen!”

Rules Secon Time 33:1

Dis da good tings dat Moses, da guy dat know God, wen tell wat he like God do fo da Israel peopo, befo Moses mahke.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

James 5:13

Anybody ova dea by you guys get trouble? Good dey pray! Anybody feel good inside? Good dey sing to God!

1 Samuel 17:12

David, he Jesse boy. Jesse, from Efratah (dass da ol name fo Betlehem town inside Judah, you know). Jesse get eight boys. He real ol wen Saul stay king.

1 Samuel 18:7

Wen dey dance, dey sing one good fun kine song lidis: “Saul wack down tousans an tousans a guys, An David wack down ten tousans an ten tousans a guys!”

1 Samuel 2:10

Dose peopo dat go agains Da One In Charge, he goin smash um down. He even goin make da thunda, dat stay inside da sky, make dem all hamajang. Da One In Charge da One goin judge da peopo all ova da world. “He goin give plenny powa to da guy he wen pick fo be da king. He goin make da guy he wen pick, come mo strong erytime.”