2 Samuel 22:46 - Hawaii Pidgin Bible

⁴⁶ Dey lose fight, all dose peopo from odda countries. Dey come outa da places wea dey hide fo no mahke, An dey sked an shaking!

2 Samuel 22:46 ပူးပေါင်းရင်းမြစ်များ

Isaiah 2:19

Peopo goin go inside caves inside da big rocks, An inside da big kine pukas undaneat da groun, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 2:21

Dey goin go inside da cracks in da rocks An da pukas in da pali, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Micah 7:17

Dey goin eat dirt jalike da snake, An odda tings dat crawl on top da groun. Dey goin come from dea places wea dey live To oua God, dass Da One In Charge a us, An dey goin shake cuz dey stay plenny sked a you guys.”

James 1:11

Da sun come up an come real hot, an make da plant dry up. Den da flowa fall down, an da plant no look nice no moa. Same ting fo da rich braddah—he stay work fo make his money, but jalike da flowa, he goin mahke.

1 Samuel 14:11

So da two a dem let da Filisha army guys see um. Da Filisha guys tell, “Eh! Look! Get Hebrew guys stay come outa da hole wea dey stay hide!”