2 Samuel 22:45 - Hawaii Pidgin Bible

⁴⁵ Da peopo from odda countries Ack jalike dey sked wen dey come in front me. Wen dey hear bout me, Right den an dea dey lissen an do wat I tell um fo do.

2 Samuel 22:45 ပူးပေါင်းရင်းမြစ်များ

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Songs 81:15

If my peopo lissen, Den da ones dat hate me, Da One In Charge, Goin fall down cuz dey sked a me, An I goin punish dem foeva. But my peopo no lissen, Az why all dat no happen!

Isaiah 56:3

“Even one guy dass not one Jew, But he come tight wit Da One In Charge, He betta not tell, ‘Fo shua, Da One In Charge no goin let me be one a his peopo.’ An one guy dat no can make kids, He betta not tell, ‘You know, I no can be Da One In Charge guy, Cuz I jalike one dry up tree Dat no can get fruit.’

Isaiah 56:6

Same ting fo da peopo dass not one Jew, But dey come tight wit me, Da One In Charge, Fo be my helpa guys, An get love an aloha fo me Cuz dey know wat kine god me, An come my worka guys. All da ones dat make da Res Day spesho fo me, An no broke da Rules fo da Res Day, An dat stick wit da same deal Dat I wen make wit my peopo,

Jesus Guys 8:13

Simon, he trus Jesus too, an Philip baptize him. An Simon stay tight wit Philip all da place he go. Philip do all kine awesome stuff dat show da powa he get, an dat blow Simon mind.

Rules Secon Time 33:29

You Israel peopo can stay good inside! No mo nobody jalike you guys. Da One In Charge get you guys outa trouble. Jalike he yoa shield, He help you guys. Jalike he yoa awesome sword, He fight fo you guys. Da peopo dat stay agains you guys Goin come sked an shaking in front you guys. You guys goin walk all ova dea backs.”