2 Samuel 22:40 - Hawaii Pidgin Bible

⁴⁰ You wen make me strong an ready fo fight da war. You make da peopo dat attack me Fall down fo me walk all ova um.

2 Samuel 22:40 ပူးပေါင်းရင်းမြစ်များ

Songs 109:19

Wen dey put kahuna on top peopo, Make da same ting happen to dem! Jalike one blanket dat cova dem O one belt dey no can take off.

Songs 144:2

God stay tight wit me cuz I his guy, Jalike he one strong wall On top one mountain, Dat nobody can climb ova Fo come afta me. He da One make shua Notting bad happen to me, Jalike he one shield I use Fo no let nobody touch me. He da One give me da powa Ova da odda peopos.

Songs 18:32

Dass da God dat make me strong fo fight. Ery place I go, God make eryting come okay fo me.

Songs 18:39

You wen make me strong fo fight. You make da peopo dat come agains me Go down undaneat my feets.

Songs 44:5

Cuz a you, God, us guys can poun Da ones dat stay agains us. Cuz us guys yoa guys, Us can walk all ova da ones Dat like make war agains us.

Isaiah 45:5

Me, Da One In Charge! No mo anodda One. No mo anodda God, ony me. I goin make you come strong, Cyrus, Ready fo fight, No matta you donno who me.

Isaiah 60:14

Get peopo befo time Dat wen make any kine to you guys, Dea kids goin come by you guys An go down in front you guys. Erybody dat wen ack jalike dey tink you no good, Dey goin go down on top da groun by yoa feets. Dey goin call yoa town, ‘Da One In Charge Town, Zion Town, Da Town Fo Da One Dat Stay Good An Spesho fo da Israel peopo.’

Colosse 1:11

an get mo strong inside from God awesome kine powa, dat goin make you guys handle any kine an hang in dea long time.

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.

1 Samuel 23:5

So, David an his guys go Keilah side, fight da Filisha guys, an wack um real hard an carry off dea cows an sheeps. Dey kill plenny Filisha guys. An dass how David get da Keilah peopo outa trouble.