2 Samuel 22:28 - Hawaii Pidgin Bible

²⁸ Da kine peopo dat no need be Numba One erytime, You get um outa trouble. But da high makamaka kine peopo, you watch um good, An make dem come shame in front erybody!

2 Samuel 22:28 ပူးပေါင်းရင်းမြစ်များ

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 131:1

Eh! You Da One In Charge! I no mo one big head, I no ack high makamaka. I no try fo do big kine tings, O tings dat stay so awesome I no can handle.

Songs 138:6

Eh! You Da One In Charge! Fo shua, you importan, But still yet, you see wass happening Wit da peopo dat not importan. An da peopo dat get big head, No matta dey stay far, You know wat dey stay do.

Songs 140:12

But I know dis: You Da One In Charge, An you da Judge dat goin help Da peopo dat no mo notting. You goin make shua Dat da pooa peopo get dea rights.

Outa Egypt 10:3

So Moses an Aaron go by da Pharaoh guy. Dey tell um, “You betta lissen! Dis wat Da One In Charge tell, da God fo da Hebrew peopo. God tell, ‘Eh! How long you goin tink you no need fo come notting in front me, haa?! Let my peopo go way from hea fo dem make one religious kine ceremony fo me.

Outa Egypt 18:11

Now I know fo shua, dat Da One In Charge, mo importan den all da odda gods, no matta da Egypt peopo make any kine to you guys!”

Smart Guys 21:4

Watevas da bad kine peopo do, Az bad. Dey ack high makamaka, An tink dey can do wateva dey like do.

Isaiah 2:17

Anybody stay get real high nose, Dey goin come notting. Anybody ack real high makamaka, Dey goin come shame. Dat time, Da One In Charge da ony One Da peopo goin talk good bout.

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Isaiah 5:15

All dem goin lose face an come notting, No matta dey big head an high nose.

Isaiah 63:9

Erytime his peopo suffa, he suffa too. He stay right dea wit dem, Jalike he one angel messenja guy Fo get dem outa trouble. He pay da price fo get um outa trouble, Cuz he get love an aloha fo dem An he pity dem. Jalike from long time befo time He stay pick dem up an carry um foeva.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Matthew 5:3

“Da peopo dat know dey pooa an need God inside dem, Dey can stay good inside Cuz God in da sky, he dea King.

Luke 14:11

Cuz whoeva make jalike he importan, no goin be importan, an whoeva make jalike he not importan, goin be importan.”