2 Samuel 22:15 - Hawaii Pidgin Bible

¹⁵ An da lightnings, jalike he shoot arrow! He make da peopo dat stay agains him run all ova da place. He make da lightning flash ova an ova, An da peopo donno wat fo do.

2 Samuel 22:15 ပူးပေါင်းရင်းမြစ်များ

Songs 18:14

He sen da lightning jalike he shoot arrows, He make da peopo dat stay agains him Run all ova da place. He make da arrows flash plenny times wit lightning, So da peopo donno wat fo do.

Songs 45:5

Sharp, da arrows you shoot! Dey go inside da hearts a da peopo Dat stay agains you, da king. Dey fall down an mahke Unda yoa feets.

Habakkuk 3:11

Da sun an da moon no move inside da sky Wen yoa arrows shine an go flying, An yoa spear shine an go fas jalike lightning.

Rules Secon Time 32:23

“I goin pile up plenny bad kine tings Dat goin happen to da Israel peopo, Jalike I goin shoot all my arrows at dem.

Joshua 10:10

Da One In Charge make da Amor guys come all jam up wen dey see da Israel guys. Az how Da One In Charge wack da Amor guys real hard Gibeon side. Den he chase um up da road dat go Bet-Horon Pass, an wipe um out all da way to Azekah an Makkedah.

1 Samuel 7:10

Same time Samuel stay make da burn up kine sacrifice, da Filisha guys stay come nea fo fight da Israel guys. But right den an dea, Da One In Charge make one loud, big, strong kine thunda fo go agains da Filisha guys, an make dem come real mix up fo dem run away.