2 Samuel 20:1 - Hawaii Pidgin Bible

¹ An right dea Gilgal side, had one good fo notting buggah. His name Sheba, Bikri boy, from da Benjamin ohana. He go blow da sheep horn trumpet fo call da peopo togedda, an he yell, “Eh, you Israel guys! Go home! Oua land, not part a David land! Us no goin get notting from David, Jesse boy!”

2 Samuel 20:1 ပူးပေါင်းရင်းမြစ်များ

Start 46:21

Benjamin, his boys, Bela, Beker, Ashbel, Gera, Naaman, Ehi, Rosh, Muppim, Huppim, an Ard.

2 Samuel 15:10

But Absalom sen messenjas secret kine by all da ohanas inside Israel fo tell, “Wen you guys hear da noise from da sheep horn trumpet, den tell, ‘Hebron side, Absalom wen come oua king!’ ”

2 Samuel 16:11

Den David tell Abishai, an all his leada guys, “You guys know my boy dat come from my blood an bones, he stay try fo kill me, aah? Dass way mo den dis Benjamin ohana guy like kill me, you know! Let um go an let um yell fo God put kahuna on top me David cuz Da One In Charge wen tell him fo do dat.

2 Samuel 16:7

Wen Shimei yell fo God put kahuna on top David, he tell, “Get outa hea! You one guy dat kill plenny peopo! Fo shua, you good fo notting!

2 Samuel 18:17

Dey take Absalom body, throw um inside one big hole undaneat da trees, an pile up plenny rocks on top him. Same time, all da Israel army guys run back home.

2 Samuel 20:2

So all da guys from da Israel ohanas north side, dey bag from David an go wit Sheba, Bikri boy. But da Judah guys stay tight wit dea king, all da way from da Jordan Riva to Jerusalem.

2 Samuel 20:22

Den da wahine tell all da town peopo wat dey gotta do. Dey cut off Sheba head, an throw um outside by Joab. So Joab blow da sheep horn trumpet, an his guys go way from da town. All da army guys go back dea place. An Joab go back Jerusalem town by da king.

2 Samuel 23:6

But da good fo notting peopo, God goin throw dem all out. Dey jalike one bush wit thorns— Nobody goin grab um fo help um.

1 Kings 12:16

Wen all da Israel peopo see dat King Rehoboam no stay lissen dem, dey talk back to him. Dey tell um, “Eh! You king guys from da David ohana, You worth notting to us! Us no get notting from da Jesse ohana! Us Israel guys, we goin get outa hea! You David ohana guys Take kea yoa peopo, No bodda us!” So da Israel guys go home.

1 Kings 21:10

Den put two no good guys right in front Nabot. Tell dem fo poin finga him lidis: ‘Eh! Us guys wen hear you tell, dat you like bad tings happen to God, an to da king!’ Den take Nabot outside, an erybody throw stone fo kill him.”

2 Records 10:16

Wen all da Israel peopo see dat da king no lissen dem, dey goin change dea mind an go agains him. Dey goin tell um: “Us guys no goin share oua land wit da David ohana! Jesse boy no own us guys! Us Israel peopo, us goin go back oua place now! You David ohana peopo, you gotta take kea a you!” So all da Israel peopo go home.

2 Records 10:6

Den King Rehoboam talk wit da older leada guys dat wen get kuleana fo help his faddah Solomon wen he stay alive, bout wass good fo him do. He aks dem, “Wat you guys tink az good fo me tell dese peopo?”

Songs 17:13

Eh! You Da One In Charge! Go afta dem guys! Face um an throw um down! No let um get away! Use yoa sword, Fo make shua da bad kine guys no goin hurt me!

Songs 34:19

Get plenny bad tings happen To da peopo dat stay do da right ting. But Da One In Charge Goin get um outa all dat.

Smart Guys 25:8

No go quick fo take somebody in front da judge. Cuz in da end, If da guy can show proof he neva do um, Goin make you plenny shame!

Smart Guys 26:21

From charcoal, can get hot ashes. From kiawe, get fire. From da kine guy dat like beef, Get all kine argue.

Mark 3:24

Da ohana dat go agains each odda no can stay strong. Da country dat go agains each odda ony bus up dea country.

Luke 19:14

But da peopo hate da alii guy, an dey sen guys to da odda place fo tell, ‘We no like dis guy fo come oua king.’

Luke 19:27

Da guys dat stay agains me an no like me fo come dea king—bring um ova hea, an kill um in front me.’ ”

John 13:8

Peter tell him, “No way you eva goin wash my feets!” Jesus tell him, “If I no wash you, den you no can be my guy.”

Rules Secon Time 13:13

get some no good guys from yoa peopo, dat stay try turn da peopo from dat town away from Da One In Charge to odda gods. Dey tell, “Us go down in front odda gods an show respeck fo dem.” But you guys neva know dose gods befo time.

Local Leadas 19:22

Wen dey stay feel good, some good fo notting kine guys from da town come aroun da house. Dey poun da door, an yell to da ol guy dat own da house, “Bring out da guy dat come yoa house! Us guys like make sex wit him!”

Local Leadas 3:27

Wen he come dea, he blow one sheep horn trumpet up country Efraim side. Da Israel peopo go down wit him from da hills, an Ehud lead dem.

Ruth 2:3

So Ruth go ova dea inside one field an pick up da extra barley dat da worka guys no pick up afta dey harves um. An you know wat? Dat field wea she stay pick up da extra barley, da owna guy was Boaz. Him an Ruth mahke faddah-in-law Elimelek, dey da same blood!

1 Samuel 13:2

Saul pick three tousan guys from Israel fo be army guys. Two tousan guys stay wit him Mikmash side an up country Bethel side. One tousan guys stay wit Jonathan, Gibeah side, inside da Benjamin land. An Saul sen home da odda guys he neva pick.

1 Samuel 2:12

Eli boys, cuz dey no mo respeck fo Da One In Charge, dey pilau kine guys an dey do bad kine stuff.

1 Samuel 30:22

Cuz a dat, some a David guys, da kine bad guys an guys dat like make humbug, dey tell, “Dese guys neva go wit us! So we no goin give dem notting from all da stuffs us bring back from fight! But erybody can take dea wifes an kids an go.”