2 Samuel 2:26 - Hawaii Pidgin Bible

²⁶ Abner yell to Joab an tell, “We goin stay kill each odda wit swords foeva, o wat?! Fo shua, you know dat afta dis fighting pau, erybody goin stay hate each odda still yet. How long befo you goin tell yoa army guys fo no go chase dea braddahs da Israel guys no moa?!”

2 Samuel 2:26 ပူးပေါင်းရင်းမြစ်များ

2 Samuel 11:25

David tell da messenja guy, “Tell Joab dis: ‘No let dat bodda you. Cuz wen get war, nobody know who goin mahke! Go fight plenny, an take ova Rabbah town, an bus up da place!’ Tell Joab dat fo make um feel mo strong.”

2 Samuel 2:14

Den Abner tell Joab, “Eh, let some a yoa army guys go fight some a oua army guys fo us guys watch.” Joab tell, “Shoots!”

2 Samuel 2:16

Den all dem grab da head a da guy dey stay agains, an stab da odda guy in da side wit his knife, so all 24 a dem guys fall down mahke togedda. Az why dey call dat place inside Gibeon town “Dagga Field.”

2 Samuel 2:25

Den da Benjamin army guys, dey all come togedda fo back up Abner. Dey all stan togedda jalike one army on top anodda hill.

2 Samuel 2:27

Joab yell back to Abner, “Jalike I stay shua God stay alive, same ting I stay shua, dat if you neva tell wat you jus wen tell, all my army guys chase yoa guys till morning time. But cuz dey yoa braddahs, az good dat neva happen!”

Job 18:2

“Peopo like you goin talk till no mo notting fo tell! Tink! Den we can talk.

Job 19:2

“How long you guys goin make me suffa, An talk fo try bus me up inside Wit wat you tell me?

Songs 4:2

All you importan guys, How long you goin tell peopo Fo no respeck me An make me come shame, aah?! How long you guys goin tell Bad kine stuff bout me, aah?! How long you guys goin bulai peopo, aah?! (Time out fo da music.)

Smart Guys 17:14

Wen peopo start fo argue, Az jalike you make puka in one dam An let da watta come out an broke eryting. Mo betta make um so notting bodda you, An no say notting, befo you come Jalike one wild animal.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Jeremiah 12:12

On top all da hill tops inside da boonies wea no mo notting can grow Goin get plenny guys dat like come rip off stuff. Cuz goin get war! Jalike Da One In Charge use his sword fo kill da peopo From one side a da land to da odda side! No goin get nobody stay safe ova dea.

Jeremiah 2:30

I wen punish you guys kids, but ony wase time! Dey no come sorry bumbye. You guys wen kill yoa guys dat talk fo me, Jalike you one hungry lion an wipe dem out.”

Jeremiah 4:21

How long I gotta look da war flag An hear da soun from da trumpets fo start fo fight?!”

Jeremiah 46:10

But Da One In Charge a me stay in charge a dat day too! He da God Ova All Da Armies! Dass wen he goin pay back Da peopo dat stay agains him. His sword goin kill peopo Till dey all mahke die dead. Cuz Da One In Charge a me, Da God Ova All Da Armies, Goin make sacrifice In da north country by da Eufrates Riva!

Jeremiah 46:14

“Tell dis inside da Egypt towns! Make shua erybody hear um inside Migdol, Inside Memphis, an Tahpanhes: ‘Line up, an make ready fo fight! Cuz da war stay wipe out da peopo all aroun you!’

Hosea 11:6

Cuz a dat, da peopo dat stay agains dem goin use swords Fo attack da Israel towns Dey goin bus up da bars on top da Israel town gates. Da Israel peopo goin make plans, But dey no can do notting!

Jesus Guys 7:26

Da nex day Moses come by two Israel guys dat stay beefing. He try fo cool um down. He tell, ‘Eh, you guys braddahs. How come you stay hurt each odda?’