2 Samuel 18:9 - Hawaii Pidgin Bible

⁹ Absalom spock some a David guys. He stay ride his mule fo run away. But wen da mule go unda da thick branches from one big oak tree, Absalom head come stuck inside da tree branches. He stay hang ova dea cuz his mule stay go an no stop.

2 Samuel 18:9 ပူးပေါင်းရင်းမြစ်များ

2 Samuel 13:29

So Absalom guys do to Amnon wat Absalom wen tell um fo do. Wen dat happen, all da king odda boys split. Dey run away on top dea mules.

2 Samuel 14:26

Erytime his hair come real heavy, he cut um. An weigh five poun, da way dey weigh stuff fo da king.

2 Samuel 17:23

Wen Ahitofel find out dat Absalom no do wat Ahitofel wen tell um fo do, Ahitofel saddle his donkey an go his house inside his home town. He make eryting ready so da peopo dat live wit him know wat fo do. Den, he go hang himself! Az how he mahke. His peopo bury him inside da tomb wea dey wen bury his faddah befo time.

2 Samuel 18:10

One a David guys see dat, an he tell Joab, “Eh! I jus now see Absalom stay hanging from one oak tree.”

2 Samuel 18:14

Joab tell, “I no goin wase time lidis fo you.” So he grab three short spear, an go poke Absalom inside da ches wen Absalom still yet stay alive an stay hang from da oak tree branches.

2 Samuel 18:8

Dis wat wen happen: Da Israel army guys fight all ova da country side an mo plenny guys mahke cuz da fores eat up mo plenny guys den David army guys wen kill.

Job 31:3

Da peopo dat do bad kine stuff, dey goin come wipe out. Da guys dat do wass wrong, bad tings goin happen to dem.

Smart Guys 20:20

Anybody tell dea faddah o muddah, “You, you good fo notting!” Dey goin mahke real quick, Jalike God pio dea lamp wen come dark.

Smart Guys 30:17

Da kine guys dat make fun a dea faddah An tink dey big, dey no need do wat dea muddah tell um fo do, Da crow birds dat live inside da valley Goin poke out dea eye, An da scavenja birds goin eat dea mahke body.

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Matthew 27:5

So Judas throw down da thirty silva coins right dea inside da Temple, an go out an hang himself.

Mark 7:10

Moses wen tell, ‘Show respeck fo yoa faddah an muddah.’ He tell dis too: ‘Whoeva swear at his faddah o muddah, gotta kill him.’

Galatia 3:13

Christ, he wen pay da price fo cut us guys loose, so we no gotta do eryting da Rules tell us fo do fo get um right wit God. Dass why now, we no mo kahuna on top us. Da kahuna we get wen go on top Christ, cuz da Bible tell, “Erybody dat dey kill an hang on top one pos fo kill um, dey get kahuna on top dem.”

Rules Secon Time 21:23

you guys no can let his body stay hang dea till da nex morning. Make shua you guys bury him dat same day. Cuz if you let his body hang dea, God goin put kahuna on top da land. An you guys betta not make pilau da land yoa God, Da One In Charge, stay give you guys fo come yoa property.

Rules Secon Time 27:16

“Den da Levi guys goin tell: ‘God goin punish anybody dat no mo respeck fo dea faddah an muddah!’ “An all da peopo goin tell, ‘Az right!’

Rules Secon Time 27:20

“Da Levi guys goin tell: ‘God goin punish anybody dat sleep wit his faddah wife, cuz he goin make shame fo his faddah!’ “All da peopo goin tell: ‘Az right!’