2 Samuel 18:31 - Hawaii Pidgin Bible

³¹ Right den, da Sudan guy come an tell, “My boss da king, lissen dis good kine stuff! Today, Da One In Charge wen let us win ova all da guys dat wen go agains you!”

2 Samuel 18:31 ပူးပေါင်းရင်းမြစ်များ

2 Samuel 18:19

Den Zadok boy Ahimaaz tell, “Let me run to da king! I goin make da king feel good inside wen I tell um dat Da One In Charge wen show dat da king stay right, cuz he win ova a da guys dat wen go agains him.”

2 Samuel 18:28

Den Ahimaaz yell to da king, “Eryting stay good!” He go down in front da king an put his face on top da groun.

2 Samuel 18:30

Da king tell, “Stan by da side an wait ova hea.” So Ahimaaz go one side an stan ova dea.

Songs 58:10

Da peopo dat stay do wass right, Wen dey see dat God Pay back da bad guys Fo wat dey wen do, Dey goin come real good inside. Jalike God goin get his feets wet Wit da blood from da bad guys.

Daniel 4:19

Wat da king tell wen throw me Daniel off, an I no can figga an I come real bum out. Az why Nebukadnezzar, tell me, “Belteshazzar, no let da dream o wat da dream mean make you sked.” Me Belteshazzar tell, “Boss, I like if da dream ony tell bout da peopo dat hate you, an if da dream ony talk bout da peopo dat stay agains you. But az not how goin be. Dis dream, az bout you!

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.