2 Samuel 18:27 - Hawaii Pidgin Bible

²⁷ Da watcha guy tell, “Da way how da firs guy run, he run jalike Ahimaaz, Zadok boy!” Da king tell, “He one good guy. He stay come fo tell good kine stuff.”

2 Samuel 18:27 ပူးပေါင်းရင်းမြစ်များ

2 Samuel 18:26

Den da watcha guy see anodda guy stay running, so he yell down to da guy dat take kea da gate, “Look, anodda guy stay run wit nobody!” Da king tell, “Den he goin tell good kine stuff too!”

1 Kings 1:42

Befo Joab pau tell dat, Jonathan come dea. (His faddah, Abiatar da pries.) Adonijah tell um, “Go come inside! You one importan guy, an fo shua you get good stuff fo tell.”

2 Kings 9:20

Den da watcha guy tell Joram guys, “Da messenja guy reach dem, but he no turn aroun come back too. An ony get one guy dat drive war wagon any kine lidat. Dat gotta be Jehu, Nimshi grankid!”

Smart Guys 25:13

Wen you get somebody dat can talk fo you An you can trus um, Make you feel good inside, Jalike wen stay real hot, An somebody bring you cold snow fo eat. Erytime dat kine talka guy come back Afta you sen him some place, You stay good inside Cuz he do one good job fo you.

Smart Guys 25:25

Wen you hear good stuff Dat happen far away, Make you feel jalike somebody bring you cold watta Wen you not strong An you thirsty an yoa throat stay dry.

Isaiah 52:7

Real nice! Wen we see da messenja guy feet Stay coming ova da mountains Fo tell us good kine stuff! He make shua erybody hear, “Eryting goin come good now! Good tings goin happen! Da One In Charge goin get us outa trouble.” He tell God peopo, Jerusalem town, “Yoa God, he da king now!”

Rome 10:15

An how dey goin tell peopo if nobody sen um out fo tell peopo? Jalike da Bible tell, “Wen peopo go out fo tell da Good Stuff From God, eh! dass awesome!”