2 Samuel 18:21 - Hawaii Pidgin Bible

²¹ Den Joab tell one guy from Sudan dat work fo David, “You go tell da king wat you wen see.” Da Sudan guy go down in front Joab, den he run fo go by David.

2 Samuel 18:21 ပူးပေါင်းရင်းမြစ်များ

2 Samuel 18:20

Joab tell him, “No! You not da right guy fo tell da king good stuff today. You can do um anodda time.” He tell um dat cuz da king boy mahke.

2 Samuel 18:22

Ahimaaz, Zadok boy, tell Joab one mo time, “Wateva happen, try let me run fo back up da Sudan guy.” But Joab tell, “Eh, boy, how come you like run?! Da kine stuff you gotta tell, nobody goin pay you fo dat.”

2 Samuel 18:23

He tell, “Wateva happen, I like run!” So Joab tell, “Gunfunnit! Den run!” So Ahimaaz cut short aroun thru da flat land nea da Jordan Riva, an come Mahanaim town befo da Sudan guy.

2 Samuel 18:31

Right den, da Sudan guy come an tell, “My boss da king, lissen dis good kine stuff! Today, Da One In Charge wen let us win ova all da guys dat wen go agains you!”