2 Samuel 17:14 - Hawaii Pidgin Bible

¹⁴ Absalom an all da Israel guys tell, “Wat Hushai da Ark guy tell us fo do, mo betta den wat Ahitofel tell us fo do.” (Cuz you know, Da One In Charge wen plan awready fo jam up wat Ahitofel tell fo do. He do dat fo Da One In Charge make bad kine stuff happen to Absalom.)

2 Samuel 17:14 ပူးပေါင်းရင်းမြစ်များ

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

2 Samuel 15:31

Somebody tell David, “Ahitofel, he one a da guys dat stay make one plan wit Absalom fo take ova da govmen.” So David pray to Da One In Charge, “Eh! You Da One In Charge! Wateva Ahitofel tell Absalom az good fo him do, make wat he tell come pupule, aah?!”

2 Samuel 15:34

But if you go back inside Jerusalem town an tell Absalom, ‘My king, I goin be yoa worka guy. I wen work fo yoa faddah from long time, an now I goin work fo you,’ den you goin help me an make wateva Ahitofel tell Absalom fo do, come no good, aah?!

2 Samuel 16:23

(Befo time, weneva somebody aks Ahitofel wat fo do, wateva Ahitofel tell um stay good. Dass jalike fo aks God wat fo do! Az how David, an Absalom too, tink bout wateva Ahitofel wen tell um fo do.)

2 Records 10:15

So da king no lissen da peopo, cuz was God wen make tings happen lidat. He do um fo make happen da ting dat Da One In Charge wen tell Ahijah, da guy from Shilon dat talk fo God, fo tell Jeroboam, Nebat boy.

2 Records 10:8

But Rehoboam no like lissen wat da older leadas tell um az good fo him do. He go talk wit da young guys dat wen grow up wit him an now dey work fo him. He aks dem bout wass good fo him do.

2 Records 25:16

Wen he still yet stay talk, da king tell him, “Eh! Us give you da job fo tell yoa king wass good fo him do, o wat?! Stop! No good my guys kill you!” So da guy dat talk fo God stop. But he tell, “Fo shua God tell awready wass good fo do. He goin wipe you out! Az cuz you wen bring dose odda gods hea. You no lissen wen I tell you wass good fo do!”

2 Records 25:20

But Amaziah no lissen, cuz God stay set um up so Jehoash goin win ova dem, cuz da Judah guys like let da idol kine gods from Edom tell um wat fo do.

Nehemiah 4:15

Da guys dat stay agains us find out dat us guys know wat dey plan fo do, an dat God jam up dea plan awready. So us guys go back fo work on da wall, an all dem stay work on da wall jalike befoa.

Job 12:17

He lead away da guys dat tell da king guys wass good fo dem do, An he take dem away barefeet cuz dey prisonas. He make da judge guys come pupule.

Songs 9:15

All da diffren peopos, dey fall down Inside da same hole dey wen dig. Da same net dey wen hide Catch dea own feets.

Songs 9:16

Da One In Charge, he let peopo know him. An he tell who do da right ting An who no do da right ting. Da peopo dat do bad tings, Da tings dey stay do goin make trouble fo dem. (Time out fo da music.)

Outa Egypt 9:16

So, how come I stay let you live, aah? Az fo make you see dat I get all da powa, az why! Cuz I like make da peopo all ova da world know who me fo real kine.

Smart Guys 19:21

You can make plenny plan inside yoa head. But da plan dat Da One In Charge make fo you, Dass wass goin happen fo shua.

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Isaiah 8:10

You goin talk an make plan, But dat no goin happen, cuz you no can do um. You talk bout wat fo do, But no goin happen lidat, Cuz God stay wit us. Dass wat ‘Immanuel’ mean!”

Sad Song 3:37

If da Boss no like fo someting happen, No mo nobody can make um happen.

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Luke 16:8

No matta da luna no do wass right befo time, da boss talk good to him now bout dis smart ting he wen do. You know, da peopo dat stick wit dis world mo smart wit money kine stuff den da peopo dat stick wit da light.

1 Corint 3:19

Da way da peopo inside da world figga, God tell dat stuff stay stupid. Da Bible tell: “Da smart guys, dey sly buggahs, But God take wat dey do an jam um up!”

Rules Secon Time 2:30

But Sihon, da king fo Heshbon town, no like let us go thru dea. Az cuz oua God, dass Da One In Charge a us, wen make him hard head, an cuz a dat he give you guys da powa fo take him ova. An now, God let you guys win.

Joshua 11:20

Da One In Charge da One wen make da odda peopos come hard head fo dem like fight da Israel peopo. Az how Da One In Charge wipe dem all out jalike dey one sacrifice, an no give dem chance. Az wat Da One In Charge wen tell Moses fo do.