2 Samuel 15:3 - Hawaii Pidgin Bible

³ Den Absalom tell um, “Eh! Wat you squawk bout stay true an right! But no mo nobody from da king stay hea fo lissen you.”

2 Samuel 15:3 ပူးပေါင်းရင်းမြစ်များ

2 Samuel 15:4

Den Absalom tell, “If ony da king wen pick me fo come one judge inside da land! Den erybody dat like squawk bout someting can come by me, an I can make da right kine ting happen fo dem. But az not how stay now!”

2 Samuel 8:15

David stay da king ova da Israel peopo. He judge da right way, an he do wat stay right fo all his peopo.

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

Outa Egypt 20:12

“Show respeck fo yoa faddah an yoa muddah. If you do dat, den you goin live long time on top da land dat me, yoa God, Da One In Charge, stay give you.

Outa Egypt 21:17

Anybody like put kahuna on top dea faddah o muddah, gotta kill um.

Smart Guys 12:2

Da good kine peopo, Da One In Charge get one good heart fo dem. Da kine peopo dat tink all da time Bout how dey can do bad stuff to peopo, God, he da judge, he goin punish dem.

Smart Guys 30:11

Get da kine peopo Dat tell God fo hurt dea faddah An no tell God fo do good tings fo dea muddah.

Smart Guys 30:17

Da kine guys dat make fun a dea faddah An tink dey big, dey no need do wat dea muddah tell um fo do, Da crow birds dat live inside da valley Goin poke out dea eye, An da scavenja birds goin eat dea mahke body.

Ezekiel 22:7

Da peopo in yoa town no mo respeck fo dea faddahs an muddahs. Dey put presha on top da peopo from anodda place. Dey do bad tings to da peopo dat no mo faddah o muddah, an to da wahines dat no mo husban.

Daniel 11:21

“Den, goin get one guy dat erybody know he no good. No mo nobody show him respeck, jalike he get da right fo be king fo real kine. But still yet, he goin take ova an come king. Wen erybody tink eryting stay okay fo dem, dis guy goin attack Syria. He goin bulai da peopo wit plenny good kine promise, den he goin grab dem an take ova.

Census 16:3

Dey come togedda fo go agains Moses an Aaron. Dey tell Moses an Aaron, “You two guys stay making tantaran! All da peopo stay spesho fo Da One In Charge, an he stay wit dem. How come you guys make jalike you mo importan den da peopo dat Da One In Charge bring togedda?!”

Matthew 15:4

God tell, ‘Get respeck fo yoa faddah an muddah.’ An he tell dis too, ‘Da guy dat swear at his faddah o muddah, gotta kill him.’

Jesus Guys 23:5

Paul tell, “Braddahs, I neva know he da Main Pries Guy. Da Bible tell, ‘No talk bad bout da leada fo yoa peopo.’ ”

1 Peter 2:17

Get respeck fo erybody. Get love an aloha fo yoa braddahs an sistahs dat trus Christ. Get plenny respeck fo God. An get plenny respeck fo da king.

2 Peter 2:10

An da peopo dat ony like do all da pilau kine tings dea body like do, God know how fo make dem suffa even moa. Dey like talk bad bout erybody dat get da right fo tell um wat dey gotta do. Da teacha guys dat bulai, dey get big head an no shame how dey ack. Dey no mo respeck, an dey no sked fo talk bad bout God an his awesome kine peopo inside da sky.