2 Samuel 15:1 - Hawaii Pidgin Bible

¹ Afta Absalom come back, he buy one war wagon an horses, an pay fifty guys fo run in front him wen he come inside da street fo erybody know az Absalom dat stay come.

2 Samuel 15:1 ပူးပေါင်းရင်းမြစ်များ

2 Samuel 12:11

“Dis wat Da One In Charge tell: ‘Wat I goin do, I goin make real bad kine stuff happen to you. Goin come from inside yoa ohana. I goin take away yoa wifes wen you stay watching, an I goin give dem to one guy dat stay nea you. He goin make sex wit yoa wifes day time, wen erybody can see.

1 Kings 1:33

da king tell um, “I da boss fo you guys, an I like you guys do dis: Go get all da odda guys dat work fo me. Den put my boy Solomon on top my spesho mule, an make parade fo take him down dea outside Jerusalem, by da Gihon watta place.

1 Kings 1:5

Dat time, King David boy Adonijah (Haggit his muddah) go aroun ack big fo come King. He talk: “I goin come King!” Az why he go get war wagons an army guys dat ride horse. He get fifty guys fo run in front him wen he come inside one street, so erybody know Adonijah stay come.

Songs 20:7

Some peopos trus da real plenny war wagons dey get, Odda guys, dey trus all da horse dey get fo win da war. But fo us guys, da One us call fo help us, az Da One In Charge, Cuz we know wat kine god him.

Smart Guys 11:2

You go ack jalike you mo smart den God, You goin come all shame. But if you no tink you mo betta den erybody, Den you can learn wass good fo do.

Smart Guys 16:18

You ack big head, Den, you goin come wipe out. You tink high makamaka kine, Den, you goin fall down.

Smart Guys 17:19

Da kine guy dat like go agains erybody, He like make argue wit erybody. Da kine guy dat put up one high door fo his house Fo ack high makamaka, Jalike he like fo somebody come bus um up.

Rules Secon Time 17:16

No foget: da king no can get plenny horses ony fo him, o make da peopo go back Egypt side fo get mo horses. Cuz Da One In Charge, he wen tell you guys, “No go back Egypt side no moa!”

1 Samuel 8:11

Samuel tell, “Dis how da king dat goin lead you guys goin do. He goin take yoa boys an make some a dem work wit his war wagons an horses, an odda boys goin run in front his war wagons fo fight.