2 Samuel 13:4 - Hawaii Pidgin Bible

⁴ He tell Amnon, “Eh, you da king boy! So! How come ery morning you look mo an mo depress? Wassup?!” Amnon tell um, “You know Tamar, Absalom sistah, aah? I get da hots fo her.”

2 Samuel 13:4 ပူးပေါင်းရင်းမြစ်များ

2 Samuel 13:3

Amnon get one fren name Jonadab. An Jonadab faddah, Shimeah, he David braddah. Jonadab one sly mongoose.

2 Samuel 13:5

So Jonadab tell him, “Go yoa bed, an ack sick. Wen yoa faddah hear dat you sick, an come yoa house fo check you out, you tell him dis: ‘I like my sistah Tamar fo come hea an give me someting fo eat. I like her fo let me watch her make da food, an let her feed um to me, okay?!’ ”

1 Kings 21:5

Ahab wife Jezebel come inside by him. She aks, “Wassamatta you, aah?! You get mad face, an you no eat notting!”

1 Kings 21:7

Jezebel his wife tell um, “Ho! How come you no ack jalike da king fo da Israel peopo?! Stan up an eat! No worry, brah, I take kea dat fo you. I goin get da grape farm from Nabot da Jezreel guy!”

Isaiah 3:9

Da way dea face look, Show dey no stay do da right kine ting. Dey talk big bout da bad kine stuff dey do, Jalike da peopo inside Sodom. Dey no try hide wat dey do. Bummahs! Dey da ones dat bring da horraz on top dem.

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Prieses 18:9

“You betta not make sex wit yoa sistah, no matta her yoa faddah girl o yoa muddah girl, no matta she grow up da same house wit you, o anodda place.

Prieses 20:17

“If somebody marry his sistah, no matta his faddah girl o his muddah girl, an dey make sex togedda, az shame fo dem. You guys gotta cut dem off in front all da peopo, so dey not my peopo no moa. Da guy make his sistah come shame, so he get da blame fo dat.

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Luke 12:32

“You guys, you jalike bebe sheeps. No sked, cuz yoa Faddah da King like give you eryting he get.